Prokýratýra jyl basynan beri alımentten qaǵylǵan 250 balanyń paıdasyna 87 mln teńge óndirgen

ASTANA. KAZINFORM – Alıment tóleýden jaltarǵan ákelermen kúres júrgizý, balalardyń quqyǵyn qorǵaý máselesi prokýratýranyń birinshi kezektegi mindetteriniń biri bolyp qala beredi.

Astana qalasy prokýratýrasynyń qadaǵalaýymen  «elektrondyq ámııandar» — elektrondy tólem quraldarynda 300 mln teńgeden astam kirisin jasyrǵan boryshkerler anyqtaldy.

«Máselen, 5 mln teńge qaryzy bar josyqsyz boryshker eki balasyna 5 jyl boıy alıment tólemegen. Ol ámııanyn 6 mln teńgege tolyqtyryp, óz qajettilikteri úshin jaratqan. Basqa jaǵdaıda, 33 jastaǵy alıment tólemeýshi sot úkimimen alıment tóleýden jaltarǵany úshin 100 saǵattyq májbúrli eńbekke tartyla otyryp, 1 jylǵa bas bostandyǵynan shekteldi», — delingen habarlamada. 

Jalpy jyl basynan prokýrorlar 250 balanyń paıdasyna 87 mln teńge óndirgen. 

Sot aktilerin oryndamaǵany úshin 98 boryshker ákimshilik, 10 boryshker qylmystyq jaýaptylyqqa tartyldy.

Bul baǵyttaǵy jumystar jalǵasa bermek.