Prokýratýra: Jedel járdem júrgizýshisin urǵan adamnyń bostandyqqa shyǵýy - zańdy
ALMATY. QazAqparat - Almaty prokýratýrasynda jedel járdem júrgizýshisin urǵan Túrkııa azamaty Álı Demır nege kepildememen bosatylǵanyna túsinikteme berdi, dep habarlaıdy QazAqparat tilshisi.
Baqylaý organy Túrkııanyń azamaty Álı Demırdiń buzaqylyq áreketine baılanysty QR QK 293-babynyń 1-bóligimen sotqa deıingi tergeý jumystary qolǵa alyndy.
«Qoǵamnyń qyzý talqylaýyna túsken soń Demır E.A Almatydaǵy qalalyq ІІD ýaqytsha oqshaýlaý ornyna qamaldy. 20 qyrkúıekte Almaly aýdandyq prokýratýrasyna tergeýshiniń quqyq buzýshyny qamaýǵa alý týraly aryzy túsken. Qylmystyq kodeks boıynsha tek 5 jyldan asa túrmege qamalý jazasy qarastyrylǵan qylmystar boıynsha ǵana qamaýǵa alý bultartpaý sharasy qabyldanady», - delingen habarlamada.
Álı Demır asa aýyr emes qylmys jasady degen kúdik bar. Bul qylmysy úshin oǵan ary ketkende 2 jylǵa bas bostandyǵynan aıyrý jazasy bolýy múmkin.
«Ol Túrkııa azamaty ekenine qaramastan ol Qazaqstan azamatshasyna úılengen. Balasy bar. Turaqty tirkelgen mekenjaıy boıynsha turady. Qylmystyq tergeý oryndarynda onyń buǵan deıin qylmys jasamaǵany anyqtalǵan. Prokýratýra kúdiktiniń tergeý isine kedergi keltiretinine shúbá keltirip otyr», - dedi prokýratýranyń baspasóz qyzmetinen.
Qazir Álı Demır kepilmen bosatyldy.
Al qalalyq ІІD tergeý basqarmasy Almaly aýdandyq prokýratýrasynyń kepilmen bosatý týraly sheshimine qarsy shyqqan bolatyn.
Eske sala ketsek, Almatyda jolǵa talasqan azamat jedel járdem júrgizýshisin soqqyǵa jyqty. Sol kúni Almaty polıtsııasy 1990 jyly týǵan Túrkııa azamatyn, ıaǵnı Folksvagen Passat kóliginiń júrgizýshisin ustady.
13 jyldan beri jedel járdemde jumys isteıtin Nıkolaı Kýchma ashýshań júrgizýshini jazasyz qaldyrmaýǵa bekinip otyr.
