Prokýratýra jaýapsyz ata-analardan 15 balany tartyp aldy
Almaty oblysynda balalaryna jaýapsyz qaraǵan 51 ata-ana ákimshilik jaýapkershilikke tartyldy, dep habarlaıdy Kazinform.
«Baqytty jáne qaýipsiz balalyq shaq» jobasy aıasyndaǵy birikken reıdterdiń nátıjesinde 51 ata-ana, onyń ishinde 38 tulǵa Ákimshilik quqyqbuzýshylyq týraly kodekstiń (ÁQBtK) 127-baby (kámeletke tolmaǵan adamdy tárbıeleý jáne (nemese) oǵan bilim berý, onyń quqyqtary men múddelerin qorǵaý jónindegi mindetterdi oryndamaý); 7 tulǵa ÁQBtK 440-baby (alkogoldik ishimdikterdi ishý nemese qoǵamdyq oryndarǵa masań kúıde kelý); 3 tulǵa ÁQBtK 73-2-baby (uryp-soǵý); 2 tulǵa ÁQBtK 442-baby (kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy); 1 tulǵa ÁQBtK 73-1-baby (densaýlyqqa qasaqana jeńil zııan keltirý) boıynsha ákimshilik jaýapkershilikke tartyldy. Jaýapsyz ata-analardan 15 bala alyndy. Sotqa ata-ana quqyǵyn shekteý týraly 7 talap qoıý berildi», - delingen Almaty oblystyq prokýratýrasy taratqan málimette.
Vedomstvo málimetinshe, azyq-túlik, kómir jáne balalarǵa jyly kıim túrinde materıaldyq kómek 86 otbasyǵa kórsetildi. Medıtsınalyq tekserýden 901 bala ótti, 16 bala aýrýhanaǵa jatqyzyldy. Baspana kezegine 152 bala qoıylyp, 2 otbasyǵa úı alýǵa kómek kórsetildi.
Buǵan deıin Almaty oblysynyń Іle aýdanynda ashtyqtan júdeý, sóıleýge jáne júrýge murshasy qalmaǵan 6 jasar bala anyqtalyp, «eki jaqty pnevmonııa» dıagnozymen jedel túrde aýrýhanaǵa jatqyzylǵanyn jazǵan bolatynbyz.
