Prokýratýra zańsyz memlekettik satyp alýdyń jolyn toqtatty
ASTANA. KAZINFORM – Túrkistan oblysynda prokýrorlar 125 mln teńge bıýdjet qarajatynyń negizsiz jumsalýyna jol bermedi.
Jetisaı aýdanynyń prokýratýrasy júrgizgen taldaý nátıjesinde jergilikti atqarýshy organ jarııalaǵan memlekettik satyp alý zań talaptaryna sáıkes kelmeıtini anyqtaldy.
Atap aıtqanda, avtomobıl joldaryn kútip-ustaý retinde jarııalanǵan konkýrs shyn máninde joldardy aǵymdaǵy jóndeý jumystaryna qatysty bolǵan.
Bul óz kezeginde memlekettik satyp alý talaptaryn buzyp, basqa áleýetti qatysýshylardyń teń múmkindikterin shektegen.
Prokýratýranyń aralasýynan keıin atalǵan konkýrs zańsyz dep tanylyp, onyń kúshi joıyldy.
Osylaısha, 125 mln teńge bıýdjet qarajatynyń negizsiz jumsalýyna jol berilmedi.
Prokýratýra organdary bıýdjet qarjysynyń maqsatty ári tıimdi paıdalanylýyn turaqty baqylaýda ustaıdy.
Aıta ketelik prokýratýra Ulytaý oblysyndaǵy mektepterdegi tyıym salynǵan kontentti shektegen edi.
