Prokýratýra: ıÝrıı Paktyń daýysyna 6 saraptama júrgizildi
«Fızıka pániniń muǵalimi ıÝ.Paktiń sottalý faktisi buqaralyq aqparat quraldary men áleýmettik jelilerde keńinen talqylanyp, onyń negizsiz sottalǵandyǵy týraly qoǵamdyq pikirdi qalyptasyp otyr. Osyǵan oraı atalǵan qylmystyq is boıynsha qylmystyń jaı-japsaryn túsindirý qajettigi týyndap otyr. Pakqa tirkelgen uıaly telefonnan «112» jedel qyzmetine «TsÝM» saýda úıine bomba qoıylǵandyǵy týraly aqparat tústi. Terrorıstik akti týraly aqparattyń nátıjesinde saýda úıine jedel qyzmetter men quqyq qorǵaý organdary bardy. Saýda úıinen 3 myńnan astam adam qaýipsiz jerge kóshirildi. Qazybek bı aýdandyq soty aıyptaýshy taraptyń da, qorǵaýshy taraptyń da dálelderin tyńǵylyqty tekserip, onyń nátıjesinde sot aıyptaý úkim shyǵardy», - dep habarlady oblystyq prokýratýradan.
Vedomstvo aqparatyna sáıkes, Pak sotqa deıingi jáne sot kezindegi tergeý barysynda qylmysqa óziniń qatysy joǵyn, uıaly telefonyn bireýlerdiń paıdalanǵanyn, al tergeý barysynda alynǵan daýys úlgisi óziniki emestigin aıtqan. Sotqa deıingi kezeńde Qaraǵandy men Almatyda 3 fonoskopıkalyq jáne 1 keshendi kompıýterlik-tehnologııalyq saraptama júrgizilgen. Onyń úsheýinde daýystyń Pakqa tıesili ekendigi dáleldengen.
«Sot otyrystary barysynda Paktyń dáıekterin tekserý maqsatynda sottyq bastamashylyǵymen qosymsha taǵy 2 saraptama (Almaty qalasynda qosymsha vıdeo-fonografııalyq jáne kompıýterlik tehnologııalar quralymen qosymsha saraptama) taǵaıyndaldy. Nátıjesinde daýystyń Paqqa tıesili ekendigi rastaldy. Paktyń daýys úlgisin alý barysynda protsessýaldyq buzýshylyq anyqtalǵan joq. Sot Paktyń kishkentaı balasynyń bolýyn jáne onyń jaǵdaıyn aýyrlatatyn jaıttardyń bolmaýyn eskerip, bas bostandyǵyna 2 jylǵa aıyrý túrindegi eń tómengi jazany taǵaıyndady. Qazirgi ýaqytta úkim zańdy kúshine engen joq. Osyǵan oraı, qoǵam nazaryna atalǵan qylmystyń aýyr sanatqa jatatyndyǵyn, oǵan sáıkes 6 jylǵa deıin bas bostandyǵynan aıyrý jazasy kózdelgendigine aýdarǵym keledi», - dedi oblystyq prokýratýradan.
