Prokýratýra ushaqtardy kúrdeli jóndeýde jalǵan qujattar usynylǵanyn anyqtady
«Azamattyq avıatsııa komıtetiniń qyzmetkerleri men táýelsiz mamandar (avıatorlar) tartylǵan tekserý nátıjesinde, kóptegen buzýshylyqtar, onyń ishinde ushý qaýipsizdigine áser etetin kemshilikter anyqtaldy», - delingen habarlamada.
Atap aıtqanda, Almaty jáne Qostanaı oblystarynyń aýmaǵynda «AN-2» áýe kemelerin paıdalanatyn avıakompanııalar olardyń planerine, qozǵaltqyshyna jáne áýe ebelekterine (vınt) josparly túrde tehnıkalyq qyzmet kórsetý men jóndeý jumystaryn júrgizbegen. Oǵan qosa avıatehnıkany jóndeýge jumsalatyn qarjyny únemdeý maqsatynda ushý saǵattary tómendetilip kórsetilgen.
Qaraǵandy oblysynda oqý-jattyǵý ushýyna arnalǵan «FK14 Polaris» áýe kemeleri tıptik emes áýe ebelekteri (vınt) paıdalanylǵan.
Almaty áýekompanııasy túpnusqasy rastalmaǵan áýe kemeleriniń agregattary men jıyntyqtaýshy buıymdaryn paıdalanǵan.
Qostanaı oblysynyń áýe kemelerine tehnıkalyq qyzmet kórsetýdi tıisti ruqsaty joq mamandar júrgizgen.
Sonymen qatar, Almaty oblysyndaǵy áýekompanııanyń ushqyshtary ushar aldyndaǵy mindetti medıtsınalyq tekserýden ótkizilmegen. Qostanaı oblysynda bolsa, belgilengen jumys jáne ushý ýaqytynyń normasynan artyq ushýlardy oryndaǵan.
Sertıfıkattaý rásiminen ótý kezinde áýe kemeleriniń planerine (1 birlik), qozǵaltqyshyna (2 birlik) jáne vıntine (50 birlik) kúrdeli jóndeý júrgizý týraly jalǵan qujattardy paıdalanýǵa qatysty 53 fakti anyqtalǵan.
«Bas kólik prokýratýrasy Investıtsııalar jáne damý mınıstrligine atalǵan zańbuzýshylyqty joıý týraly usynys engizgen. Jalǵan qujattardy paıdalaný jónindegi materıaldar sotqa deıingi tergeý júrgizý úshin Kóliktegi ishki ister organdaryna joldanǵan», - delingen habarlamada.