Prokýratýra Ulytaý oblysyndaǵy mektepterdegi tyıym salynǵan kontentti shektedi
JEZQAZǴAN. KAZINFORM- Prokýratýra organdary kámeletke tolmaǵandardyńquqyqtary men zańdy múddelerin qorǵaý salasynda zańdylyqty qamtamasyz etý boıynsha jumysty júıeli túrde júrgizedi.
Ulytaý oblystyq prokýratýrasy baspasóz qyzmetiniń habarlaýynsha, taldaý barysynda «Bilim týraly» Zańnyń 43-baby talaptarynyń qaladaǵy birqatar jalpy bilim berý uıymdarynda óreskel buzylǵany anyqtaldy.
Belgilengen normalarǵa qaramastan, 13 mektepte kámeletke tolmaǵandardy olardyń ómiri men densaýlyǵyna qaýip tóndiretin áreketterge, sonyń ishinde sýıtsıd pen zorlyq-zombylyqqa ıtermeleıtin materıaldardy qamtıtyn tyıym salynǵan ınternet-resýrstar erkin qol jetkizý múmkin bolǵan (Zańnyń 43-baby 11-3) tarmaqshasy – bilim alýshylardyń, tárbıelenýshilerdiń densaýlyǵy men damýyna zııan keltiretin aqparatqa qoljetimdilikti shekteýge arnalǵan baılanys operatorlarynyń qyzmetteri arqyly Internetke qoljetimdilikti qamtamasyz etý talaptary).
Ulytaý oblysy Sátbaev qalasy prokýratýrasynyń qadaǵalaý aktileri boıynsha 13 bilim berý uıymynyń basshylary ákimshilik jaýaptylyqqa tartyldy (ÁQBtK-niń 409-baby 7-2-tarmaǵyna sáıkes árqaısysyna 10 AEK mólsherinde aıyppul salyndy).
Sonymen qatar, prokýratýra usynýy negizinde atalǵan mekemelerde tyıym salynǵan ınternet-resýrstarǵa qoljetimdilik shekteldi.
Qabyldanǵan sharalardyń nátıjesinde 12 myńnan astam balanyń quqyqtary qorǵaldy.
Óskeleń urpaqtyń quqyqtaryn qorǵaý baǵytyndaǵy jumys jalǵasýda.
Osyǵan deıin ShQO-da prokýratýra kásiporyn jumysshylaryna tıesili 14 mln teńge jalaqynyń tólenýine uıtqy bolǵany týraly jazdyq.
