Prokýratýra «Transtelekomnyń» burynǵy sheneýniginiń múlkin buǵaýlaýǵa sanktsııa berdi
ASTANA. QazAqparat - QR Bas kólik prokýratýrasy «Transtelekom» AQ-nyń burynǵy birinshi vıtse-prezıdenti M.Ábdirahmanovqa qatysty aıyptaý qorytyndysymen kelisip, isti sotqa jiberdi, dep habarlaıdy atalǵan vedomstvonyń baspasóz qyzmetinen.
QR Ekonomıkalyq jáne sybaılas jemqorlyqpen kúres agenttiginiń jedel tobynyń tergeý nátıjesinde onyń «Transtelekom» AQ-nyń birinshi vıtse-prezıdenti bolǵan kezinde qyzmettik ókilettigin teris paıdalanyp, «KT&T» JShS-men konsortsıaldyq kelisimshartqa zańsyz qol qoıyp, memleketke 4,1 mlrd. teńge zalal keltirgeni anyqtaldy.
Ótken jylǵy 14 tamyzda Qazaqstan Respýblıkasy Joǵarǵy sotynyń Azamattyq jáne ákimshilik ister boıynsha qadaǵalaý sotynyń alqasymen atalmysh konsortsıaldyq kelisimshart jaramsyz dep tanyldy. Sot úkimin oryndaý maqsatynda Bas kólik prokýratýrasy M.Ábdirahmanovtyń jyljıtyn jáne jyljymaıtyn múlkin buǵaýlaýǵa sanktsııa berdi.
Aǵymdaǵy jyldyń 31 qańtarynda M.Ábdirahmanovty aıyptaýǵa qatysty qylmystyq is Almaty qalasy Almaly aýdandyq sotyna jiberildi.
