Prokýratýra temir jolda bıletsiz jolaýshylardan bıznes jasaǵandardy áshkereledi
Bul týraly búgin QR Bas kólik prokýratýrasynyń ekonomıkalyq-áleýmettik sala boıynsha zańdylyqty qadaǵalaý basqarmasynyń basshysy Almas Amanov málim etti.
«Búginde quzyrly organ men QTJ bıletsiz jolaýshylarmen kúresti júrgize almaı otyr. Nátıjesinde - vagondarǵa bıletsiz jolaýshylar kóptep enip ketedi. Eger buryn jolserikter bıletsiz jolaýshylardy jasyryp kelgen bolsa, qazir vagon dálizderine ornalastyra beredi. Barsha Qazaqstanǵa belgili bolǵan Almaty-Atyraý vagonynda oryn alǵan oqıǵany eske alsaq ta jetkilikti», - dep atap ótti prokýror.
Onyń aıtýynsha, oǵan sebep - vagondardyń tapshylyǵy men bıletterdi alyp-satý áreketteri.
«Jaqynda ǵana bir alypsatar ustaldy, ol 2013 jyldan beri elordalyq vokzalda qıturqy isterin ońaı júzege asyryp kelgen. Ony jolaýshylardy almastyrý kezinde ustadyq. Tergeý barysynda óz sxemasyn jaıyp saldy. Onyń sózi boıynsha, spekýlıatsııalarǵa kassırler men jolserikter de qatysqan. Qazirgi ýaqytta is tergeýge alyndy, alypsatar tergeý ızolıatoryna toǵytyldy», - dedi ol.