Prokýratýra tekserisinen keıin Aqsýda páter jaldaý aqysy arzandady

PAVLODAR. KAZINFORM - Quzyrly organ aqsýlyq turǵyndarǵa turǵyn úıdiń jaldaý aqysyn tómendetýge kómektesti. Endi otbasylar burynǵyǵa qaraǵanda 2,5 ese az tóleıtin bolady.

Aqsýda prokýrorlardyń narazylyǵy negizinde qabyldanǵan sharalardyń nátıjesinde memlekettik menshikke jatatyn alty turǵyn úıdegi páterlerdiń jaldaý aqysy qaıta qaraldy.

– Endi turǵyndar páterdiń bir sharshy metr úshin burynǵy 125 teńgeniń ornyna 49 teńge tóleıtin bolady. Qala ákimdigi turǵyndarmen 100-den astam kelisimshartty qaıta jasasty. Jalǵa alý qunynyń tómendeýine prokýratýra anyqtaǵan zań buzýshylyqtar sebep boldy. Atap aıtqanda, jaldaý aqysyn esepteý kezinde ákimdik ǵımarattardyń eseptik paıdalaný merzimin jáne olardyń jalpy aýdandaryn durys anyqtamaǵan. Bul jaldaý tólemderiniń negizsiz artyp ketýine ákelgen, – dep habarlady oblystyq prokýratýranyń baspasóz qyzmetinen.

Buǵan deıin Aqsý prokýrorlary bir pansıonattan qart adamdardy azaptaý derekterin anyqtaǵany týraly jazǵanbyz.