Prokýratýra Taraz kolonııasynda ashtyq jarııalaǵan sottalýshyǵa qatysty túsinik berdi
«Jambyl oblysynyń prokýratýrasy áleýmettik jelide taraǵan Taraz qalasyndaǵy 158/4 mekemesinde narazylyq belgisi retinde ashtyq jarııalaǵan Qyrǵyzstan azamatyna qatysty málimetti tekserýde», delingen habarlamada.
Qadaǵalaý organynyń málimetinshe, 1981 jylǵy Qyrǵyzstan azamaty Erkınbek Tentımıshev asa iri kólemde esirtki kontrabandasy úshin 2016 jyldyń jeltoqsan aıynda 15,5 jylǵa bas bostandyǵynan aıyrylǵan.
Ol ІІІ toptaǵy múgedek. 2017 jyldyń qazan aıynan bastap densaýlyǵyna baılanysty mekemeniń medıtsınalyq bóliminde emdelgen.
Mekeme ákimshiligi jaǵdaıy jaqsarǵan E. Tentımıshevti aqpan aıynda kolonııaǵa aýystyrý jóninde sheshimin shyǵarǵan. Alaıda sottalýshy sheshimge qarsylyq bildirgen.
«Sottalýshy oblys prokýratýrasynyń qyzmetkerlerimen kezdesýde mekemeniń ákimshiligi tarapynan medıtsınalyq bólimde oǵan odan ári qalýǵa bolmaıtyny túsindirilgenin jáne ol eshqandaı narazylyǵy joq ekenin aıtqan. Prokýratýra sottalǵandar quqyqtarynyń tolyq saqtalýy boıynsha túzeý mekemesi ákimshiliginiń áreketterine tekserý júrgizýdi jalǵastyrýǵa jáne oǵan quqyqtyq baǵa berýge nıetti». - delingen habarlamada.
Sondaı-aq, E.Tentımıshovke quqyq qorǵaý uıymdary ókilderine júginýge múmkindik berilgen.
Aıta keterligi, ol jazasyn ári qaraı otanynda óteý úshin ótinish bergen. Qazaqstannyń Bas prokýratýrasy onyń suraýyn qoldap, Qyrǵyzstanǵa tıisti saýal joldaǵan. Alaıda 2017 jylǵy 21 maýsymda Qyrǵyzstan Respýblıkasynyń Bas prokýratýrasynan E.S. Tentımıshovke jasaǵan qylmysynyń qoǵamdyq qaýiptilik deńgeıiniń joǵary, sondaı-aq memleket múddesine zalal keltiredi degen sebeppen, ony qabyldaýdan bas tartý týraly jaýap jibergen.
