Prokýratýra taldyqorǵandyq esepshilerdiń ustalǵanyn rastady

TALDYQORǴAN. QazAqparat - Sybaılas jemqorlyqqa qarsy is-qımyl agenttiginiń Jetisý oblysy boıynsha departamenti men prokýratýra birlesip memleket qarjysyn jymqyrǵan bilim salasyndaǵy esepshilerdi ustady, dep habarlaıdy QazAqparat tilshisi.

«2022 jyldyń jeltoqsan aıynda Taldyqorǵannyń mektepteri arqyly bilim salasynyń qyzmetkerleri 750 mln teńgeden astam qarjy jymqyrǵan. Tintý barysynda 700 mln teńgeden astam aqshalaı qarjy, 500 myń AQSh dollary jáne qymbat áshekeı buıymdar tárkilendi. Kúdiktilerdiń 27 jyljymaıtyn múlki, qymbat kólikteri buǵattaldy. Barlyq kúdiktiler ustalyp, tergeý ızolıatoryna qamaldy», - delingen Jetisý oblysy prokýratýrasynyń baspasóz qyzmeti habarlamasynda.

Ózge aqparattar istiń qupııalyǵyna baılanysty jarııa etilmeıdi.

Tergeý jalǵasýda.