Prokýratýra Stepnogorsk ákimdiginiń 9 memlekettik satyp alýyn zańsyz dep tapty

ASTANA. KAZINFORM — Stepnogorsk qalasynyń prokýratýrasy qala ákimdigi uıymdastyrǵan jalpy somasy 710 mln teńgege 9 memlekettik satyp alý boıynsha zań buzýdy anyqtady.   

Anyqtalǵan zań buzý smetalyq qundy negizsiz kóterý, artyq ári ekonomıkalyq turǵydan dálelsiz jumystar kólemin engizý, sondaı-aq zańnama talaptaryna sáıkes kelmeıtin jáne áleýetti jetkizýshiler arasynda básekelestik ortaǵa shekteý qoıatyn talaptardy belgileýmen baılanysty boldy.

— Prokýrorlyq qadaǵalaý sharalarynyń nátıjesinde jalpy somasy 710 mln teńge bolatyn 9 memlekettik satyp alý joıyldy. Jergilikti atqarýshy organǵa jobalyq-smetalyq qujattamalardy qaıta qaraý usynylyp, sonyń nátıjesinde 3 konkýrs alynyp tastaldy jáne 6 memlekettik satyp alý boıynsha smetalyq qun tómendetilip, negizsiz shyǵys qysqartyldy, — delingen habarlamada.

Nátıjesinde 235 mln teńge kóleminde bıýdjet qarajatyn negizsiz jumsaýǵa jol berilmedi. 

Aıta ketelik Memlekettik satyp alý týraly birqatar buıryqqa ózgeris engizildi.