Prokýratýra Semeıdegi sý tasqynyna tekserý júrgizýde
Sebebi, Shúlbi GES-ininen sekýndyna jiberilýi tıis 500 tekshe metr sýdyń mólsheri 1800-ge deıin arttyrǵan.
Sonyń saldarynan Túıemoınaq araly aýdanyndaǵy 10 úı men birneshe kent pen saıajaı sý astynda aldy.
Shúlbi GES-indegi sý aǵynynyń molaıý deńgeıi jergilikti atqarýshy bılikpen kelisilmegendikten qazir jaýapty mamandardan jaýap alynyp jatyr. Osy iske baılanysty prokýratýra tekserý jumystaryn júgizip jatyr.
«Biz bul isti naqty tekseremiz. 7 naýryzda biz qalalar men aýdandardyń barlyq ákimderiniń, ýákiletti memlekettik organ ókilderiniń qatysýymen jınalys ótkizgenbiz. Onda mundaı jaǵdaıdyń bolmaýy úshin taldaý jáne qadaǵalaý jumystaryn pysyqtaǵan edik. Biz naqty, sýbektıvti sebepter men adam faktoryn anyqtaýǵa tyrysamyz. Qazirgi kezde, sondaı-aq tótenshe jaǵdaı jarııalanatyn aýdandarda tekserý júrgizilýde», - dedi oblys prokýrory Qusaıyn Igembaev.
Oblys basshysynyń tóraǵalyǵymen ótken kezdesýde Ertis basseındik ınspektsııasynyń basshysy Qazymbek Baımaǵambetov 28 naýryz kúni sý deńgeıiniń mólsherden asqanyn rastady.
«23 naýryz ben 26 naýryz aralyǵynda qar aralas jańbyr jaýyp, ózenniń sýy molaıdy. Sý deńgeıi apatty shamaǵa jetkendikten, bógen qaýipsizdigi úshin sýdy kóptep jiberýge májbúr boldyq» , - dedi Qazymbek Baımaǵambetov.
Danıal Ahmetov vedomstvo mamandarynyń bir aı boıy qamsyz júrgenin synǵa aldy.
«Shúlbi GES-inen naýryzdyń 1-i kúni 501 metr3, sodan 503, 503, 547, 631,661, 684, 720 jáne osylaısha jalǵasa kele 27-inshi naýryzda úsh ese kóterelip, 1200 m3-ke shyqqan. 28 naýryz kúni sekýndyna sý 1800 m3-ge kóterilip ketken. Shúlbi GES-indegi sý baqylaýsyz qalǵandyqtan, ári sonaý naýryzdyń 1-nen esepke alynbaǵandyqtan ǵana osyndaı jaǵdaı oryn alyp otyr» ,-dedi aımaq basshysy.
Qazirgi ýaqytta Besqaraǵaı aýdanyna qarasty 11 aýyldyq okrýgke qaýip tónip tur. ıAǵnı, Staraıa krepost, Steklıanka, Glýhovka, Birlik jáne Belokamenka aýyldary. Munda tasqynnyń aldyn alý jumystary júrgizilip, sý arnalary men kósheler tazartyldy.