Prokýratýra respýblıkalyq joldaǵy zańsyz shekteýdi toqtatty
ASTANA. KAZINFORM — Prokýratýra narazylyǵy negizinde Ulytaý oblysy Sátbaev qalasy ákiminiń zańsyz ókimi joıyldy.
Ulytaý oblysy Sátbaev qalasynyń prokýratýrasynyń narazylyǵy boıynsha qala ákiminiń zańsyz ókimi kúshin joıdy.
— Atap aıtqanda, qala ákiminiń ókimimen Sátbaev qalasy arqyly ótetin respýblıkalyq mańyzy bar avtojolda aýyr júk kólikteriniń qozǵalysyna ýaqytsha shekteý engizilgen.
Alaıda tekserý barysynda atalǵan avtojol ýchaskesi «QazAvtoJol» AQ-nyń senimgerlik basqarýynda ekeni anyqtaldy. Osyǵan baılanysty jergilikti atqarýshy organnyń mundaı shekteý engizýge ókilettigi bolmaǵan.
Nátıjesinde, zańsyz qabyldanǵan normatıvtik akt Jezqazǵan–Petropavl respýblıkalyq mańyzy bar avtojolyna jatatyn kóshede kólik qozǵalysyn negizsiz shektegen, — delingen habarlamada.
Zań ústemdigin qamtamasyz etý, memlekettik múddelerdi qorǵaý jáne zańsyz aktilerdiń qabyldanýyna jol bermeý prokýratýra organdarynyń turaqty baqylaýynda.
