Prokýratýra pavlodarlyq kásipkerge memleketten qaryz alýǵa kómektesti

PAVLODAR. KAZINFORM – Pavlodar oblysynyń Ýspen aýdanynda «BIK» ShQ ınvestıtsııa somasy 3,1 mlrd teńgege 20 jańa jumys ornyn quratyn 500 basqa arnalǵan sút-taýar fermasyn salý jobasyn iske asyrýda.

Bas prokýratýranyń málimetinshe, búgingi tańda kásipker jobaǵa shamamen 1 mlrd teńge óz qarajatyn salǵan. Alaıda, nysandy salý kezinde ınvestor memlekettik qaryz alý problemasyna tap boldy.​ ​

«Osyǵan baılanysty aýdan prokýratýrasy ýákiletti memlekettik organdardyń qatysýymen vedomstvoaralyq keńes uıymdastyrdy, onda ınvestorǵa kredıtti resimdeý jáne qajetti qujattardy jınaý máseleleri boıynsha járdem kórsetildi.​ ​ ​

Nátıjesinde sharýa qojalyǵyna 500 mln teńge somasynda kredıttik qarajat berildi (birinshi transh)», — dep jazdy baqylaýshy organnan.

Osy aqshaǵa ınvestor Reseıden jáne Eýropa elderinen qajetti qurylys materıaldaryn satyp alýdy josparlap otyr.

Nysandaǵy jumystar jalǵasýda.​ ​