Pavlodar oblysynyń agroónerkásip kesheni boıynsha memleketke 500 mln teńge shyǵyn kelgen - prokýratýra

PAVLODAR. KAZINFORM - Pavlodar oblysynyń prokýratýrasy agroónerkásip keshenin sýbsıdııalaý salasynda tekserý júrgizdi.

Oblystyq prokýratýranyń baspasóz qyzmetiniń habarlaýynsha, óńirde agroónerkásip keshenin damytýdyń maqsatty kórsetkishteriniń oryndalmaı jatqany anyqtaldy.

Oblystyń agroónerkásip keshenin damytýdy memlekettik retteýde sybaılas jemqorlyq táýekelderi bar.

Keıbir jaǵdaılarda osy salada jalǵan ál-aýqatty kórsetý úshin aýyl sharýashylyǵy tehnıkasyn satyp alý týraly esep berý aqparaty burmalanady.

Іs júzinde sýbsıdııalaý protsesi tek formaldy túrde ótinimerdi qabyldap, bıýdjet qarajatyn bólýden turady.

Agroónerkásip keshenin damytý salasyndaǵy zańsyz áreketterdiń saldarynan memleketke keltirilgen shyǵyn shamamen 500 mıllıon teńgeni qurady.

Mysaly, 2 aýylsharýashylyǵy taýaryn óndirýshi zańsyz baıý úshin jalpy somasy 132 mln teńgege tehnıka satyp alýǵa sýbsıdııa alyp, keıinnen basqa maqsatqa jumsaǵan.

Bıýdjet qarajatyn urlaýdyń anyqtalǵan shemalary boıynsha protsestik sheshim qabyldaý úshin materıaldar jınastyrylyp jatyr, oblys ákimdigine zańdylyqtyń buzylýyn joıý týraly usyný engizildi (qaralýda).

Osyǵan deıin Pavlodar oblysynda rekordtyq deńgeıde astyq jınalǵanyn jazdyq.