Prokýratýra organdarynda basshylyq qyzmette isteıtin áıelder úlesi úshten bir esege ósti
ASTANA. 26 sáýir. QazAqparat - Ótken jyly elimizdiń prokýratýra organdarynda basshylyq qyzmette isteıtin áıelderdiń úles salmaǵy úshten bir esege ósti. Bul týraly búgin QR Prezıdenti janyndaǵy Áıelder jáne otbasylyq-demografııalyq ister jónindegi ulttyq komıssııa otyrysynda QR Bas prokýrorynyń orynbasary Jaqyp Asanov málim etti.
«Eger 2011 jyly bizde óz betinshe protsessýaldy sheshimder quqyǵy bar nebári 6 áıel bolsa, al ótken jyly olardyń sany úshten bir esege ósip, 8 adamdy qurady», - dedi J.Asanov.
Sonymen qatar QR Bas prokýrory orynbasarynyń atap ótýinshe, basqa memlekettik organdarmen salystyrǵanda qadaǵalaý vedomstvosynda basshylyq qyzmet atqaratyn áıelderdiń úlesi basym emes.
«Quqyq qorǵaý organdarynda jumys isteýdiń ózindik ereksheligi bar. Bul jumys ýaqytynyń normadan tys bolýy, basqa aýdanǵa aýysý qıyndyqtary sııaqty jaıttar», - dedi ol.
