Prokýratýra organdaryna aryz-shaǵymdardy www.115.kz veb-portalyna jiberýge bolady
ASTANA. 1 aqpan. QazAqparat - Elektrondy habarlamalardy qabyldaıtyn veb-portaly prokýratýra organdarynda 2011 jyldan beri jumys istep keledi. Osy portaldyń kómegimen azamattar ózderiniń aryz-shaǵymdaryn elektrondy túrde berý múmkindigine ıe.
Bul týraly Astana qalasy prokýratýrasy Shuǵyl izdestirý qyzmeti zańdylyqty qadaǵalaý basqarmasynan málim etti.
Elordanyń resmı saıtynan habarlaǵandaı, elektrondy ótinish berý úshin kelesiler qajet:
- «Elektrondy habarlamalar qabyldaý» portalyna 115.kz mekenjaıy boıynsha tirkelý;
- tirkelý úderisi kezinde kórsetiletin qupııa sóz arqyly JSN kómegimen portalǵa kirý;
- «Qurý» túımesi kómegimen ótinish jazyp, ashylǵan kartochkaǵa barlyq kerekti rekvızıtterdi toltyrý;
- Elektrondy sandyq qoltańba kómegimen (ESQ) (Halyqqa qyzmet kórsetý ortalyqtarynda beriledi) ótinishke qol qoıý. Bul úshin ESQ faılynyń mekenjaıyn (dıskide nemese fleshkada) jáne qupııa sózdi kórsetý qajet. Sodan keıin «Qol qoıý jáne jóneltý» túımesin basasyz;
- Budan ári talondy basyp shyǵarýǵa bolady. Onyń kómegimen tirkelýden jaýap berýge deıingi barlyq protsesti kórý múmkindigi bolady.
Sondaı-aq, atalǵan portaldy 115 nómiri arqyly (qalalyq jáne uıaly telefondardan qońyraý shalý tegin) tehnıkalyq qoldaý jumys isteıdi. Azamattar esirtkige jáne basqa da qylmystarǵa baılanysty osy qysqa nómir arqyly nemese elektrondy túrde prokýratýra organdarymen habarlasa alady.
