Prokýratýra organdaryn ata-anasynyń qaraýynsyz qalǵan jasóspirimderdiń jaǵdaıy alańdatady
ASTANA. Tamyzdyń 12-si. QazAqparat /Aıdar Ospanalıev/ - Prokýratýra organdaryn ata-anasynyń qaraýynsyz qalǵan, kámeletke tolmaǵan jasóspirimderdiń jaǵdaıy alańdatyp otyr.
Bas prokýratýranyń resmı ókili Nurdáýlet Súıindikovtiń aıtýynsha, prokýratýra qyzmetkerleri jaqynda tártippen túzeý kolonııasy men arnaıy mektepterdegi jáne odan bosatylǵan jasóspirimderdiń quqyqtarynyń saqtalý jaǵdaıyna tekserý júrgizgen. Osy jumystar barysynda prokýrorlar balalardyń áleýmettik jáne jeke múlkine qatysty quqyqtarynyń buzylý jaǵdaılaryn anyqtady. «Mysaly, Aqtóbe oblysynda tártippen túzeý kolonııasynyń ákimshiligi bir jarym jyldan astam ýaqyt boıy M. Shalenov atty jasóspirimniń asyraýshysyn joǵaltýyna baılanysty oǵan tıesili áleýmettik járdemaqyny alyp berý úshin eshqandaı sharalar qoldanbaǵan. Mundaı áreketter elimizdiń basqa da óńirlerinde anyqtaldy.
Tek prokýratýranyń aralasýynan keıin ǵana balalardyń ata-anasynan aıyrylǵandyǵyn anyqtaý sharalary men olardyń áleýmettik kómekterdi alý barysyndaǵy quqyqtaryn qamtamasyz etý boıynsha jumystar júrgizile bastady», dedi resmı ókil.
