Prokýratýra organdary mindetter men maqsattardy oryndap keledi - Q. Mámı
annyń 22-si. QazAqparat /Rýslan Ǵabbasov/ - Prokýratýra organdary alǵa qoıylǵan mindetter men maqsattardy oryndap keledi.
Búgin Astanada «Zańdylyqty qamtamasyz etýdegi qalalyq jáne aýdandyq prokýratýralardyń rólin joǵarylatý» taqyrybynda ótip jatqan respýblıkalyq semınar-keńeste QR Bas Prokýrory Qaırat Mámı osylaı aıtty, dep habarlaıdy QazAqparat.
«Prokýrorlyq qyzmettiń jumysyn baǵalaı kele, biz jalpylaı alǵanda, aldymyzǵa qoıylǵan maqsattardy oryndap kelemiz. Bul negizinen jergilik jerlerdegi prokýrorlardyń eńbegi», dedi Bas Prokýror.
Onyń aıtýynsha, vedomstvo ekonomıkalyq daǵdarys saldaryn jeńildetý baǵytynda azamattardyń quqyn qorǵaý boıynsha eleýli jumystar atqarǵan. Sondaı-aq qylmys deńgeıiniń tómendeýi baıqalýda.
Prokýrorlyq jumystardy budan ári qarqyndy júrgizý kerektigine toqtalǵan Q. Mámı, «atap aıtqanda, jasalǵan taldaý nátıjeleri qadaǵalaýdyń bólek salalary boıynsha kemshilikter bar ekenin kórsetti. Sondaı-aq saraptamalyq-boljam qyzmeti tıisti deńgeıde nazarǵa alynbaı otyr. Árqaısymyz bul baǵyttyń mańyzdylyǵy men erekshe roline kóńil bólýimiz qajet. Tek durys jasalǵan taldaý men onyń negizinde qurylǵan jospar qadaǵalaý tájirıbesindegi týyndaǵan máselelerdi sátti sheshýge septigin tıgizedi», dedi.
