Prokýratýra organdary qyzmetkerleriniń biliktiligin arttyrý úshin salalyq kýrstar uıymdastyrylýda

«Sottardyń alqa bıleriniń qatysýymen  qylmystyq isterdi  qaraýda prokýrorlar qyzmetin jetildirý» atty taqyrypta biliktilikti arttyrý úshin sotta memleket múddesine ókildik jasaıtyn oblystyq jáne oǵan teńestirilgen prokýratýranyń sot qaýlylarynyń zańdylyǵyn qadaǵalaý basqarmasy bastyqtaryna arnap biliktilikti arttyrý salalyq kýrsyn ótkizedi. Bul týraly QR BP-nyń baspasóz qyzmetinen málim etti.

Prokýratýra organdary qyzmetkerleriniń biliktiligin arttyrý kýrsynyń negizgi maqsaty - alqabılerdiń qatysýymen ótken sotta memleket múddesine ókildik jasaýdyń ózekti máselelerin talqylaý bolyp tabylady.

Kýrstyń ashylý saltanatynda Qazaqstan Respýblıkasy Bas prokýratýrasynyń Sot aktileriniń zańdylyǵyna jáne sotta memleket múddesine ókilettik etý departamentiniń bastyǵy B.Shermuhambetov, Bas prokýratýra Instıtýtynyń dırektory S.Tursynbekova qatysady.

Semınar tyńdaýshylaryna QR Joǵarǵy Sotynyń sýdıalary, Astana qalalyq sotynyń jáne otstavkadaǵy sýdıalar, Bas prokýratýra, Ádilet mınıstrligi, Qarjy polıtsııasy qyzmetkerleri, Din isteri boıynsha agenttiginiń ókilderi men elimizdiń aldyńǵy qatarly joǵarǵy oqý oryndarynyń ustazdary men sarapshylary dáris oqıdy.

Arnaıy salalyq kýrs baǵdarlamasy alqabılerdiń qatysýymen ótken qylmystyq istiń sotynda memleket múddesine ókildik jasaýdyń, alqabılerdiń qatysýymen sottardyń tájirıbesi, azamattyq-quqyqtyq salada prokýrorlyq esepti qurý máseleleri, kópshilik aldynda sóıleý jánen sheshendik óneri máselelerin, quqyqtyq is júrgizýdiń negizi, terrorızmge jáne ekstremızmge, sybaılas jemqorlyqqa qarsy kúrestiń ózekti máselelerin naqtylaıdy.

Atalǵan semınar aıasynda prokýrorlardyń iskerligi men jumys tıimdiligin artyrý, júıeli oılaý qabiletin damytý jáne berilgen tapsyrmany tıimdi oryndaýdy damytatyn trenıngter ótkiziledi.

Semınar nátıjesi boıynsha tyńdaýshylarǵa arnaıy nusqadaǵy sertıfıkattar beriledi.