Prokýratýra organdaryna referendým týraly 9 ótinish túsken
ASTANA. KAZIFORM – QR Bas prokýratýrasy Qoǵamdyq múddelerdi qorǵaý qyzmetiniń basqarma bastyǵy Bekjan Qaramanov referendým ótkizýde zańnyń saqtalýy jáne saılaý ýchaskelerinde quqyqtyq tártipti qamtamasyz etý týraly baıandady.
«Daýys berý protsesi quqyqtyq alań aıasynda ótip jatyr. Referendým komıssııalary men memlekettik organdar tarapynan buzýshylyqtar tirkelgen joq. Referendým týraly joldanymdarǵa kelsek, sottar men prokýratýra olardy búgin dereý qaraıtyn bolady. Jalpy prokýratýra organdaryna bıylǵy 6 qazanǵa deıin 9 joldanym kelip tústi. Bul saýalnama júrgizý, úgit-nasıhat jáne daýys berý máselelerine qatysty boldy. Barlyǵy boıynsha zańǵa túsindirme berildi», - dedi B. Qaramanov Ortalyq kommýnıkatsııalar qyzmetinde.
Spıker búgin ıaǵnı daýys berý kúni úgit-nasıhat jumystaryn júrgizýge tyıym salynǵanyn atap ótti.
«Sondaı-aq saýal salý nátıjelerin mass-medıa men onlaın platformalarda jarııalaýǵa jol berilmeıdi. Mundaı saýalnamalardy ýchaskelik komıssııalarǵa daýys berý úı-jaılarynda da júrgizýge tyıym salyndy. Osy talaptardy saqtamaý Ákimshilik quqyqbuzýshylyq týraly kodekstiń 102 jáne 120-baptary boıynsha jaýapkershilikke ákep soǵady. Qazirgi tańda mundaı faktiler týraly habarlama túsken joq», - dedi Bas prokýratýra ókili.
