Prokýratýra men sybaılas jemqorlyqqa qarsy qyzmetke qabyldaý erejesi ózgerýi múmkin
ASTANA. KAZINFORM – Qazaqstanda prokýratýra organdaryna, Sybaılas jemqorlyqqa qarsy qyzmetke jáne ekonomıkalyq tergeý qyzmetine qabyldaý tártibine ózgerister engizý usynyldy. Tıisti buıryq jobasy qoǵamdyq talqylaýǵa shyǵaryldy.
Túzetýler alǵashqy kásiptik daıarlyqtan ótý tártibin jańartýǵa baǵyttalǵan. Qujatta irikteý sharttaryn naqtylaý, daıarlyq ótkizý talaptaryn jetildirý jáne oqýdan shyǵarý negizderin qoldanystaǵy zańnamaǵa sáıkestendirý qarastyrylǵan.
Jobany QR Bas prokýratýrasy ázirlegen. Vedomstvonyń málimetinshe, ózgerister jańa Konstıtýtsııa men Tsıfrlyq kodeks talaptaryna baılanysty engizilip otyr.
Qujatta prokýratýra, sybaılas jemqorlyqqa qarsy is-qımyl qyzmetine jáne ekonomıkalyq tergeý qyzmetine jumysqa kiretin azamattardyń alǵashqy kásibı daıarlyqtan ótý rásimderi naqtylanady. Sonymen qatar qoldanystaǵy qaǵıdalardaǵy keıbir erejeler jańartylmaq.
Ázirge ózgeristerdiń naqty qandaı talaptarǵa áser etetini tolyq ashyq kórsetilmegen. Degenmen negizgi maqsat – qyzmetke qabyldaý júıesin qazirgi zańnamamen sáıkestendirý jáne rásimderdi jańartý.
Qujat 11 maýsymǵa deıin qoǵamdyq talqylaýda bolady.
Eger joba qabyldansa, jańa erejeler quqyq qorǵaý organdaryna qyzmetke irikteý úderisin jetildirmek.
Aıta keteıik, buǵan deıin Qazaqstanda memlekettik qyzmetke qabyldaý tolyq avtomattandyrylatynyn jazǵanbyz.
Kamıla Taıtóleý
