Prokýratýra LRT isindegi negizgi kúdiktilerdi tergeýge shaqyrtý týraly aqpar jarııalady

NUR-SULTAN. QazAqparat – Nur-Sultan qalasy prokýratýrasynyń vedomstvoaralyq jedel tergeý toby Nur-Sultan qalasy ákiminiń burynǵy orynbasary Q.T. Sultanbekovke, «Astana LRT» JShS basqarma tóraǵasy bolǵan T.N. Ardanǵa jáne basqa da tulǵalarǵa qatysty «Astana qalasynyń jańa kólik júıesi» LRT, BRT/ITS jobasyn iske asyrýǵa bólingen bıýdjet qarajatyn jymqyrý faktisi boıynsha qylmystyq isti tergep jatyr, dep habarlaıdy QazAqparat tilshisi.

Quzyrly organnyń málimetinshe, tergeý barysynda jınalǵan dáleldemeler kúdikti Q.T. Sultanbekovtiń áreketterin saralaýǵa múmkindik týyndaǵan. ıAǵnı oǵan QR Qylmystyq kodeksiniń 1997 jylǵy redaktsııasyndaǵy (budan ári - QK) 176-baby (uıymdasqan top quramyndaǵy qyzmet jaǵdaıyn paıdalana otyryp, asa iri mólsherde bıýdjet qarajatyn birneshe ret urlaý), 235-baby (birneshe qylmys jasaý maqsatynda uıymdasqan top qurý jáne ony basqarý) jáne qoldanystaǵy QK-niń 189-baby (uıymdasqan top quramyndaǵy qyzmet jaǵdaıyn paıdalana otyryp, asa iri mólsherde bıýdjet qarajatyn birneshe ret urlaý) boıynsha aıyp taǵylmaq. Al T.N. Ardannyń zańsyz áreketteri 1997 jylǵy Qylmystyq kodekstiń 176-baby (uıymdasqan top quramynda qyzmet babyn paıdalana otyryp, asa iri mólsherde bıýdjet qarajatyn birneshe ret urlaý), 262-baby (qyzmet babyn paıdalana otyryp, uıymdasqan qylmystyq topqa qatysý) jáne 189-baby (uıymdasqan top quramynda qyzmet babyn paıdalana otyryp, asa iri mólsherde bıýdjet qarajatyn birneshe ret urlaý) boıynsha saralanǵan.

QR Qylmystyq is júrgizý kodeksiniń (budan ári-QІJK) 206-babynyń 1-bóligine sáıkes, kúdiktiniń is-áreketin saralaý týraly qaýly shyǵarylǵan kezden bastap jıyrma tórt saǵattan keshiktirilmeı jarııalanady. Kúdikti nemese onyń qorǵaýshysy kelmegen jaǵdaıda qaýly jıyrma tórt saǵat ótkennen keıin de jarııalanýy múmkin.

Kúdikti delinip otyrǵan Q.T. Sultanbekov pen T.N. Ardannyń Qazaqstan Respýblıkasy aýmaǵynan nan tys jerde bolýyna jáne kelýden jaltarýyna baılanysty qala prokýratýrasy QІJK-niń 206-babynyń 8-bóligin basshylyqqa ala otyryp, prokýrordyń kelisimimen olarǵa taǵylatyn aıypty buqaralyq aqparat quraldarynda jarııalap otyr. Qaýlylardy jarııalaýǵa jáne qajetti tergeý is-áreketterin júrgizýge qatysý úshin kúdikti Q.T. Sultanbekov pen T.N. Ardan Nur-Sultan qalasy prokýratýrasynyń Nur-Sultan qalasy Qabanbaı batyr dańǵylyndaǵy ákimshilik ǵımaratyna kelýi qajet. Kúdiktiler tergeý áreketterine qatysý úshin qorǵaýshyny óz betinshe shaqyrýǵa ne qylmystyq protsesti júrgizetin organnan qorǵaýshy suraýǵa quqyly (QR QІJK-niń 68-baby). Eger qorǵaýshyny kúdiktiler nemese olardyń zańdy ókilderi, sondaı-aq olardyń tapsyrmalary boıynsha basqa da adamdar shaqyrmasa, qorǵaýshynyń qatysýyn qylmystyq protsesti júrgizetin organ qamtamasyz etedi (QR QІJK-niń 67-baby).

Kúdiktiniń tergeýge belgilengen merzimde kelýine kedergi keltiretin sebepter bolsa, sondaı-aq, kúdiktiniń nemese olardyń múddelerin belgilengen tártippen qorǵaıtyn adamdardyń prokýrordan nemese sotqa deıingi is júrgizýdi júzege asyratyn adamnan qorǵaýshynyń qatysýyn qamtamasyz etýi týraly ótinishhatty málimdeý týraly nıeti bolsa, qylmystyq qýdalaý organyn aldyn ala habardar etýi qajet.

Buǵan deıin kúdiktiler Q.T.Sultanbekov pen T.N. Ardandy Nur-Sultan qalasynyń prokýratýrasy jaýap alý úshin bıylǵy 12 qańtarǵaa shaqyrtqan. Alaıda olar belgilengen ýaqytta kelmegen jáne kelýge kedergi keltiretin sebepter týraly habarlamaǵan.