Prokýratýra qyzmetkerlerin eldegi ıesiz sý qoımalarynyń jaǵdaıy alańdatyp otyr - aptalyq brıfıng
ASTANA. Sáýirdiń 8-i. QazAqparat /Aıdar Ospanalıev/ - Prokýratýra qyzmetkerlerin eldegi ıesi joq sý qoımalarynyń jaǵdaıy alańdatyp otyr,
dep habarlaıdy QazAqparat.
Bas prokýratýranyń resmı ókili Nurdáýlet Súıindikovtyń sózine qaraǵanda, mundaı sý qoımalarynda eshqandaı jóndeý jumystary, eshqandaı qaýipsizdik sharalary qoldanylmaıdy. «Al bul degenińiz - úlken qaýip. Osyndaı qaýipti nysandardyń biri qazir Jambyl oblysynda ornalasqan. Ondaǵy «Darbaza» sý qoımasy 30 jyldan beri kúrdeli jóndeýden ótpegen. Atalmysh nysan quzyrly organ ókilderiniń baqylaýyna alyndy», dedi resmı ókil.
