Prokýratýra qyzmetkerleri respýblıka sýlarynan jándikterdi zańsyz aýlaý áreketteriniń 273 oqıǵasyn anyqtady
ASTANA. Qazannyń 29-y. QazAqparat /Aıdar Ospanalıev/ -Bas prokýratýra úshinshi toqsanda elimizdiń sýlaryndaǵy jándikterdi aýlaý men olardy respýblıka aýmaǵynan tys tasymaldaý sharalarynyń zańdylyǵyn tekserý barysynda 273 zań buzý áreketterin anyqtady.
Osyǵan oraı prokýratýra tarapynan 22 usynys engizilip, tekserý qorytyndylary boıynsha 21 ákimshilik quqyq buzýshylyq jáne 2 qylmystyq is qozǵaldy. Al 23 is protsessýaldyq shara qoldaný úshin quqyq qorǵaý organdaryna joldandy. Bul málimettermen búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov tanystyrdy, dep habarlaıdy QazAqparat.
Onyń aıtýynsha, tekserýler barysynda barlyq aımaqtardan sý jándikterin shekten tys jáne eshqandaı ruqsat qaǵazdarynsyz aýlaý áreketteri oryn alǵan. Aqmola oblysynda 24,5 tonna gamarýs zańsyz aýlanyp, memleketke 100 mıllıon tonnaǵa shyǵyn kelgen. «Bul fakti boıynsha Aqmola oblystyq prokýratýrasy qylmystyq is qozǵady. Al Pavlodar oblysynda Balyq ınspektsııasynyń bastyǵy Tkachev balyq aýlaýǵa jalǵan ruqsat berip, sonyń saldarynan balyq belgilengen shekten kóp mólsherde aýlanǵan. Sondaı-aq Shyǵys Qazaqstanda zań buzýshylar memleketke qajetti shara retinde jeke paıdalary úshin 300 tonna sý shaıanyn aýlaǵan. Qazirgi tańda bul ispen qarjy polıtsııasy organdary aınalysýda», dedi resmı ókil.
