Prokýratýra qorshaǵan ortaǵa zııan keltirgen munaı kompanııasynan 7 912 870 teńge aıyppuldy memleket paıdasyna óndirdi
ASTANA. 13 mamyr. QazAqparat /Qanat Mámetqazyuly/ - Atyraý oblysy Maqat aýdandyq prokýratýrasy «Dossor munaıgaz» munaı- gaz óndirý basqarmasynyń «Shyǵys Maqat» ken ornynda Qazaqstan Respýblıkasynyń ekologııalyq kodeksi talaptarynyń saqtalýyna tekserý júrgizip, nátıjesinde basqarmanyń qorshaǵan ortaǵa zııan keltirgenin anyqtady.
Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.
«Atap aıtqanda, aǵymdaǵy jylǵy 3 naýryzda «Dossor munaıgaz» munaı- gaz óndirý basqarmasyna qarasty «Shyǵys Maqat» ken ornyndaǵy Munaı daıyndaý aıdaý tsehyndaǵy №5 qazanynan munaı tógilip, 2,15 tekshe metr jer zalaldanǵan. Budan basqa, atalǵan tsehtyń batys jaǵynda uzyndyǵy 66 metr, eni 12 metr tereńdigi 0,05 metr bolatyn jalpy kólemi 39 tekshe metr bolatyn jer de lastanyp, qorshaǵan ortaǵa úlken zalal keltirilgen», - delingen baspasóz aıǵaǵynda.
Osyǵan oraı, qorshaǵan ortaǵa zııan keltirgeni úshin «Dossormunaıgaz» Barlaý Óndirý AQ-na 226 800 teńge mólsherinde jáne laýazymdy tulǵaǵa 37 800 teńge mólsherinde aıyppul salyndy. Sonymen qatar, qorshaǵan ortany lastaıtyn zattar shyǵarý barysynda oryn alǵan apattar anyqtalǵan kezden bastap 2 saǵat ishinde saladaǵy ýákiletti organǵa habarlamaǵany úshin «Dossormunaıgaz» basqarma bastyǵynyń orynbasaryna 37 800 teńge mólsherinde ákimshilik aıyppul salyndy.
Budan basqa, basqarmanyń zańsyz áreketinen qorshaǵan ortaǵa keltirilgen zııan eseptele kele «Dossormunaıgaz» Barlaý Ódirý Aktsıonerlik qoǵamyna 7 610 470 teńge mólsherinde narazylyq talaby jazylǵan bolatyn. Sonyń nátıjesinde, «Dossormunaıgaz» Aktsıonerlik qoǵamy 7 912 870 teńge aıyppuldy memleket paıdasyna ótedi.
