Prokýratýra Kókshetaýda zańsyz berilgen 2,4 gektar jerdi qaıtardy
ASTANA. KAZINFORM - Kókshetaý qalasynyń prokýratýrasy quny shamamen 70 mln teńge bolatyn zańsyz usynylǵan jer memleket kirisine qaıtaryldy.
Prokýrorlyq qadaǵalaý sharalarymen zańsyz usynylǵan jerler memleket kirisine qaıtaryldy.
Kókshetaý qalasynyń prokýratýrasy jer zańnamasynyń buzylýyn anyqtady.
— Taldaý barysynda Kókshetaý qalasynyń ákimdigi Jer kodeksiniń 48-babyn buza otyryp (aýktsıondar (saýda-sattyq) ótkizbesten), zańdy tulǵaǵa kommertsııalyq maqsattaǵy jalpy aýdany 2,4 gektar, quny shamamen 70 mln teńge bolatyn 10 jer telimderiniń zańsyz usynylǵany anyqtaldy, — delingen habarlamada.
Prokýrorlyq qadaǵalaý sharalarymen zańsyz usynylǵan jerler memleket kirisine qaıtaryldy.
Jer telimderin usyný zańdylyǵy jáne olardy nysanaly paıdalaný prokýratýra organdarynyń baqylaýynda.
Aıta ketelik Qostanaı oblysynda jer bólý konkýrsynda zań buzý anyqtalǵan edi.
