Prokýratýra Kárim Kókirekbaevty aqtaý úkimine narazylyq engizetin boldy

ASTANA. KAZINFORM - QR Bas prokýratýrasy «Qazseldenqorǵaý» memlekettik mekemesiniń burynǵy basshysy K.N. Kókrekbaevqa qatysty aqtaý úkimine onyń kúshin joıý týraly apellıatsııalyq ótinishhat keltiriletinin habarlady. 

"07.06.2024 jylǵy Almaty oblysynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen Qazaqstan Respýblıkasy Tótenshe jaǵdaılar mınıstrliginiń «Qazseldenqorǵaý» memlekettik mekemesiniń burynǵy basshysy K.N. Kókrekbaevqa (Kárim Kókirekbaev - red) qatysty aqtaý úkimin jarııalady. 

Ol adamdar toby bolyp asa iri mólsherde birneshe ret para aldy dep aıyptalǵan.

Kórsetilgen sottyń úkimine prokýratýramen onyń kúshin joıý týraly apellıatsııalyq ótinishhat keltiriledi" delingen habarlamada. 

Almaty oblysynyń qylmystyq ister jónindegi mamandandyrylǵan aýdanaralyq sotynda alqabıler «Qazseldenqorǵaý» mekemesiniń laýazymdy tulǵalaryna qatysty qylmystyq isti qarady.

Alqabıler alqasynyń sheshimi boıynsha (kópshilik daýyspen) K. ózine taǵylǵan aıyp boıynsha aqtaldy.