Prokýratýra qoǵamnyń barlyq salalarynda Konstıtýtsııa men zańdardyń ústemdik ornatýynda pármendi quralǵa aınaldy - A.Daýylbaev
Tuńǵysh Prezıdenttiń qazaqstandyq memlekettilikti qalyptastyrýdaǵy kórnekti róline toqtala otyryp, Bas prokýror Ashat Daýylbaev táýelsiz Qazaqstannyń barlyq tarıhy onyń negizin qalaýshy jáne kóshbasshysy - Nursultan Nazarbaevtyń atymen tyǵyz baılanysty ekenin atap kórsetti. Barlyq jetistikter men tabystar birinshi kezekte onyń saıası erkiniń, tereń oılastyrylǵan jáne sarabdal saıasatynyń, strategııalyq kóregendiginiń arqasynda múmkin bolyp otyr. Ol ózin naǵyz kóshbasshy retinde tanytyp, elimizdiń halqyn toptastyra aldy, onyń patrıottyq rýhyn biriktirip, olardyń aldyna jańa basymdyqtar qoıyp, naqty isterge bastaı bildi. Memleket basshysynyń kúsh-jigeriniń arqasynda qarqyndy ekonomıkalyq damýdyń, ómir deńgeıiniń joǵarylýy men azamattardyń ál-aýqatynyń artýynyń negizderi qalandy. Elimiz álemdik qaýymdastyqta óz ornyn ala bildi.
Memleket basshysy azamattardyń konstıtýtsııalyq quqyqtary men bostandyqtaryn qorǵaý, qoǵamdaǵy ishki saıası turaqtylyq jáne aýyzbirshilik máselelerine únemi nazar aýdaryp otrady. Osy maǵynada búgingi tańda zańdylyq pen quqyqtyq tártipti qamtamasyz etýde aldyńǵy qatarda oryn alyp otyrǵan prokýratýranyń qoǵamdyq jáne saıası mańyzdylyǵy birneshe ese arta tústi. Birinshi kezekte ol qoǵamnyń barlyq salalarynda Konstıtýtsııa men zańdardyń ústemdik ornatýyndaǵy Prezıdenttiń pármendi quralyna aınaldy.
«Endi búginde bizder Nursultan Nazarbaev - qarqyndy áleýmettik-ekonomıkalyq jáne saıası damýdaǵy memleket modelin qurǵan qazirgi zamannyń kórnekti memleket jáne saıası qaıratkeri dep maqtanyshpen aıta alamyz. Tuńǵysh Prezıdenttiń basshylyǵymen qol jetkizilgen elimizdiń jetistikteri úlken qurmet pen senim týdyrady, egemen Qazaqstannyń odan ári qalyptasýyndaǵy jáne qoǵamdy uıystyrýdaǵy basty tiregi retinde qyzmet etedi», dep atap kórsetti A.Daýylbaev.
Merekelik is-shara Qazaqstan Respýblıkasy Tuńǵysh Prezıdenti týraly derekti fılmdi kórýmen aıaqtaldy.
