Prokýratýra «Qarashyǵanaq Petroleým Opereıtıng B.V» konsortsıýmyna qatysty qozǵalǵan qylmystyq isti toqtatty - Qarjy polıtsııasy
ASTANA. Mamyrdyń 20-sy. QazAqparat /Ernur Aqanbaı/ - Prokýratýra «Qarashyǵanaq Petroleým Opereıtıng B.V» Konsortsıýmy qazaqstandyq fılıalynyń laýazymdy tulǵalaryna qatysty qozǵalǵan alaıaqtyq faktisi boıynsha qozǵalǵan qylmystyq isti qazirgi kezde toqtatty.
Bul týraly búgin Astanadaǵy brıfıngte QR Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) resmı ókili Murat Jumanbaı málim etti.
Onyń aıtýynsha, Prokýratýra iste qylmys quramynyń joqtyǵyna baılanysty toqtatqan. «Qazirgi kezde Qarjy polıtsııasy organdary bul faktiler boıynsha tergeýge deıingi tekseristi júrgizýde. ıAǵnı, bul faktiler taǵy bir márte tekserilýde. Tekseris nátıjesi boıynsha protsessýaldyq sheshim qabyldanatyn bolady», dedi resmı ókil.
Aıta keteıik, Qarjy polıtsııasy «Qarashyǵanaq Petroleým Opereıtıng B.V» Konsortsıýmy qazaqstandyq fılıalynyń laýazymdy tulǵalaryna qatysty qylmystyq isti aǵymdaǵy jylǵy qańtardyń 28-qozǵaǵan bolatyn. Qylmystyq is atalmysh konsortsıýmnyń 2008 jyly 104 mlrd. teńgege munaı men kondensatty artyq alý faktisi boıynsha qozǵalǵan edi. Bul faktini Geologııa jáne jer qoınaýlaryn paıdalaný komıteti anyqtaǵan.
