Prokýratýra Qańtar oqıǵasynda polıtsııa qyzmetkerleriniń qarý qoldanýyna quqyqtyq baǵa berdi
«5 qańtarǵa qaraǵan túni birqatar óńirde mıtıngiler uıymdastyryldy. Avtojoldar men temir joldardy japty, vokzaldar men áýejaılardy buǵattady, memlekettik organdar ǵımarattaryn qorshady. Eldi mekenderdiń ınfraqurylymy men kúndelikti tirshiligine kedergi keltirildi. ıAǵnı qarapaıym qazaqstandyqtardyń qoǵamdyq quqyqtary buzyldy. Bir mezgilde Taraz, Aqtóbe, Atyraý, Shymkent, Oral qalalarynda memlekettik bıliktiń sımvoly retinde ákimdikterdiń ǵımarattaryna shabýyl jasaldy. Barlyq jerde qyzmetkerlerge qarsy kúsh qoldanyldy, nátıjesinde kóbisi aýyr jaraqat aldy. Ǵımarattar, qyzmettik avtokólikter, beınebaqylaý kameralary zaqymdandy. Qysqasy, buny «beıbit mıtıng» dep aıtýǵa múldem kelmeıdi», - dedi mınıstr.
Onyń dereginshe, 5 qańtar kúni kúndiz tártipsizdik keńinen tarady. Olar Qyzylorda, Óskemen, Semeı, Qostanaı, Taldyqorǵan qalalarynda jalǵasty. Nátıjesinde Qyzylorda qalasynda saǵat 15-30 mınýtta Ulttyq ulannyń áskerı qyzmetshisi M.Qaısarovty, saǵat 16-00 mınýtta Taldyqorǵanda taǵy bir áskerı qyzmetshi A.Amanovty jaýlap alǵan arnaıy kólikpen qasaqana soǵý árekketi oryn aldy. Olar mert boldy. Qyzylordada saǵat 16-15-te qarý-jaraqty ıemdený maqsatynda polıtsııa bólinisin qarýmen basyp alý áreketi jasaldy.
«Halyqtyń, sonymen qatar polıtsııa qyzmetkerleriniń ómiri men densaýlyǵyna qaterdiń aldyn alý maqsatynda qylmyskerlerge qarsy qarý qoldanyldy. Qarý qoldaný «Quqyq qorǵaý qyzmeti týraly» Zańǵa sáıkes júzege asyryldy. Ol úshin barlyq negiz boldy. Bul – azamattardy qylmystyq ozbyrlyqtan qorǵaý. Bul – qarý ıelenýge tyrysýshylardyń jolyn kesý. Bul – qyzmetkerlerge, qyzmettik jáne áskerı kezekshilikterge, kúzetiletin nysandarǵa shabýyldy toıtarý. Eger polıtsııa qyzmetkerleri Zańda kózdelgen keshendi is-sharalardy oryndamaǵanda tragedııa munan da aýqymdy bolar edi. Prokýratýra quqyqtyq baǵa berdi. Olardy qoldaný zańdy dep tanyldy», - dedi Marat Ahmetjanov.
Foto: Pavel Mikheyev/REUTERS
