Prokýratýra ishki aýdıt departamentiniń qyzmetinen kemshilikter anyqtady

ASTANA. QazAqparat - Elorda prokýratýrasy Astana qalasy Іshki memlekettik aýdıt departamentiniń qyzmetinde ákimshilik zańnama talaptarynyń buzylǵanyn anyqtady, dep habarlaıdy QazAqparat qadaǵalaý organynyń baspasóz qyzmetine silteme jasap.

«Aǵymdaǵy jyly departament memlekettik mekemelerdiń jetkizýshilerdi memlekettik satyp alýdyń josyqsyz qatysýshysy dep taný jóninde sotqa júginbeýi nemese ýaqtyly júginbeý faktileri boıynsha sotqa 86 ákimshilik materıal joldaǵan. Bul rette árbir úshinshi is departamenttiń kinásimen toqtatylǵan, ıaǵnı jaýapqa tartý merzimderi saqtalmaǵan, sondaı-aq laıyqsyz tulǵalarǵa qatysty hattamalar toltyrylǵan», - delingen taratylǵan habarlamada.

Mysaly, vedomstvonyń málimetinshe, aǵymdaǵy jyldyń shilde aıynda sot jeke kásipker «D3D»-ny memlekettik satyp alý konkýrsynyń josyqsyz qatysýshysy dep taný máselesin sotqa berý quziretine kirmeıtin energetıka vıtse-mınıstrine qatysty ákimshilik isti toqtatty.

Basqa jaǵdaıda qala sottary ákimshisine qatysty tulǵany jaýapqa tartý merziminiń eskirýine (hattama kemshilikter anyqtalǵan soń úsh aıdan keıin toltyryldy) baılanysty sot óndirisi toqtatylǵan.

Osyǵan uqsas negizdemeler boıynsha tótenshe jaǵdaılar komıteti, «Astana LRT» JShS, «Qazsýsharýashylyǵy» RMK jáne kvazımemlekettik sektordyń ózge de uıymdarynyń laýazymdy tulǵalary jaýapkershilikten qutylǵan.

«Prokýratýra usynysyn qaraý qorytyndysy boıynsha departamenttiń eki basqarýshy tulǵasy tártiptik jaýapkershilikke tartyldy. Budan basqa, vedomstvo aldaǵy ýaqytta ákimshilik zańnamanyń buzylýyna jol bermeý boıynsha sharalar josparyn bekitti», - dep qosyp ótti elordalyq prokýratýradan.