Prokýratýra: Iran soty syrttaı sottaǵan H. Sanandadjıdi eline qaıtardy
ASTANA. QazAqparat - Búgin Iran azamaty bolyp tabylatyn H.Sanandadjı Almatydan ekstradıtsııalandy. Atalǵan ıran azamaty sot úkimin oryndaý úshin sol eldiń quqyq qorǵaý organdarynyń izdeýinde júrgen bolatyn. Bul týraly QR Bas prokýratýrasynyń baspasóz qyzmetinen habarlandy.
«Qazaqstan Respýblıkasynyń Bas prokýratýrasy ırandyq taraptyń atalǵan tulǵany ustap berý týraly suranyshatyn Qazaqstan Respýblıkasy men Iran Islam Respýblıkasy arasyndaǵy 2012 jylǵy sáýir aıynda jasalǵan ustap berý týraly shart negizinde qarastyryp, qanaǵattandyrdy. Ekstradıtsııalanýshy tulǵa bir top adamdarmen birlesip, banktik nesıe alý maqsatynda jalǵan qujat jasap, ony qoldanǵany úshin aıyptalǵan bolatyn. Al ırandyq sot ony syrttaı sottaǵan», - delingen baspasóz baıanynda.
Ustalǵan tulǵany Iran ýákiletti organdarynyń ókilderine berý Almaty qalasynyń áýejaıynda júzege asyryldy.
