Prokýratýra ınternet-alaıaqtar urlaǵan 850 myń teńgeni ıesine qaıtardy

ASTANA. KAZINFORM — Taldyqorǵan prokýratýrasy ınternet-alaıaqtardyń áreketinen zardap shekken azamatqa aqshalaı qarajatyn tolyq kólemde qaıtarýǵa qol jetkizdi, dep habarlaıdy vedomstvonyń baspasóz qyzmeti.

Sátti operatsııa qarjylyq aktıvterdi qorǵaýdyń zamanaýı tsıfrlyq quraldaryn qoldanýdyń arqasynda múmkin boldy.

— QR Qylmystyq kodeksiniń 190-baby 3-bóligi boıynsha sotqa deıingi tergep-tekserý sheńberinde prokýrorlar Ulttyq banktiń «Antıfrod-ortalyǵy» platformasynda ıntsıdent qurýǵa bastamashylyq etti. Bul urlanǵan aqsha túsken banktik shottardy jedel anyqtaýǵa jáne buǵattaýǵa múmkindik berdi. «Tólemder jáne tólem júıeleri týraly» Zań normalaryna sáıkes qabyldanǵan sharalardyń nátıjesinde, 850 000 tenge urlanǵan soma kúdiktilerdiń shottarynan alynyp, zańdy ıesine qaıtaryldy, — delingen habarlamada.

Qalalyq prokýratýra qazaqstandyqtarǵa eskertý jasady.

— Ýaqyt faktory kıberqylmyspen kúreste sheshýshi ról atqarady. Quqyq qorǵaý organdaryna der kezinde júginý jáne tranzaktsııalar týraly derekterdi usyný — qarajatty buǵattaý men qaıtarýdyń joǵary kepili. Azamattardyń quqyqtaryn qorǵaý jáne ınternet-alaıaqtyqqa qarsy is-qımyl prokýratýra organdarynyń qadaǵalaý qyzmetindegi basym baǵyttary bolyp qala beredi, — dep atap ótti mamandar.

Budan buryn Almaty oblysynda ınternet-alaıaqtyq qurbandaryna 18 mln teńge qaıtarylǵanyn jazǵanbyz.