Prokýratýra erekshe qorǵalatyn tabıǵı aýmaqtar týraly zańnamanyń buzylǵanyn anyqtady
ASTANA. 19 qazan. QazAqparat /Qanat Mámetqazyuly/ - Jezqazǵan qalasynyń prokýratýrasy qalalyq botanıkalyq baqta erekshe qorǵalatyn tabıǵı aýmaqtar týraly zańnamaǵa tekserister júrgizdi.
Sonyń barysynda órtke qarsy qaýipsizdik týraly zańnamanyń, jer zańnamasynyń, sondaı-aq «Jyljymaıtyn múlikke quqyqty memlekettik tirkeý jáne onymen mámile jasaý týraly» zańnamalardyń buzylǵandyǵy anyqtalyp otyr. Bul týraly QR Bas prokýratýrasynyń baspasóz qyzmetinen habarlandy.
«Atap aıtqanda, órt qaýipsizdigine qatysty Jezqazǵan botanıkalyq baǵynyń aýmaǵy qýraǵan aǵashtardan ýaqyty tazartylmaıtyndyǵy anyqtaldy. Dala alqaptaryndaǵy órtke qarsy belgilengen shekterde aınaldyra jer jyrtý jumystary da atqarylmaǵan. Budan bólek, Jezqazǵan botanıkalyq baǵy erekshe qorǵalatyn aýmaq pasportyn ıelenbegeni de belgili boldy. Atalǵan erekshe qorǵaýǵa jatatyn 62,05 gektar alqap qala ákiminiń sheshimimen botanıkalyq baqtyń ıeligine bekitilip berilgen. Bundaı buzýshylyqtardyń barlyǵy atalǵan uıymdaǵy qyzmetkerlerdiń zań talaptaryn eshqandaı eskermegendikten oryn alýda», - delingen baspasóz aıǵaǵynda.
Tekseris qorytyndylaryna sáıkes, Jezqazǵan qalalyq prokýratýrasy kináli tulǵalardy tártiptik jaýapkershilikke tarta otyryp, zań talaptaryn qalpyna keltirý týraly usynym jasady.
