Prokýratýra Brazılııanyń eks-prezıdentin sybaılas jemqorlyqqa kúdiktenýde
ASTANA. 7 sáýir. QazAqparat - Brazılııa bıligi tanymal saıasatker, respýblıkanyń burynǵy prezıdenti Lýıs Inasıý Lýla da Sılvaǵa qatysty tekserý júrgizýge bastama jasady. 2003-2011 jyldary memleket basshysy bolǵan ol sybaılas jemqorlyqqa kúdiktelýde, dep habarlady RBK.
Tekserý eks-prezıdenttiń saıası bolashaǵyna keleńsiz yqpal etýi múmkin.
Buǵan Portugal Telecom kompanııasynyń isine baılanysty tergeý jumystary sebep boldy. Bul kompanııa L.Lýla da Sılva prezıdenttiginiń birinshi merziminde «Eńbekshiler partııasyna» para berdi dep kúdiktelýde. Eks-prezıdent ol qurylǵan 1980 jyldan osy partııanyń múshesi boldy.
Budan buryn kásipker Markos Fernandes Soýza 2005 jyly eks-prezıdent pen burynǵy qarjy mınıstri Antonıo Palos telefon kompanııasynan Makaodaǵy offshorlyq esepshot arqyly 7 mln. dollar alýǵa kelisimin bergen dep málimdegen bolatyn.
Bul janjal Brazılııada «Mensalao» degen ataýǵa ıe boldy. Onyń mánisi bıliktegi «Eńbekshiler partııasy» úkimetten zań shyǵarýshy jınalysqa túsken zań jobalaryna daýys berý kezinde oń sheshim shyǵarylýy úshin basqa partııalardaǵy áriptesterine aqsha tólep otyrǵan degenge saıady.
Kásipker ótken jyly onyń qyzmetindegi sybaılas jemqorlyq faktilerine baılanysty 40 jylǵa bas bostandyǵynan aıyrylǵan bolatyn. M.Soýza Brazılııanyń bıleýshi partııasynyń esepshotyna qolma-qol aqshany aýdarý shemasynyń uıymdastyrýshysy bolǵan. Osy is boıynsha 25 adam sottaldy. Eks-prezıdent sybaılas jemqorlyq shemasynan habarsyz ekenin aıtyp, qylmystyq jaýapkershilikten qutylyp ketken edi.
Lýıs Inasıý Lýla da Sılva «Eńbekshiler partııasynyń» quryltaıshysy jáne qurmetti tóraǵasy. Ol prezıdenttikke bes ret daýysqa tústi, 2002 jyly ǵana jeńiske jetip, tórt jyldan keıin ekinshi merzimge saılandy. Ol eldi ekonomıkalyq jáne saıası jańartýdyń bastamashysy boldy, ınflıatsııany aýyzdyqtady, aýqymdy áleýmettik baǵdarlama júrgizdi, sonyń arqasynda Brazılııada áleýmettik teńsizdik jarty ǵasyrlyq kezeńdegi eń tómengi kórsetkishke jetti.
