Prokýratýra beıbit sherý ótkizýdiń tártipteri týraly aıtty
«Qazaqstan Respýblıkasynda beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» Zańnyń 4-baby sheńberinde Nur-Sultan qalasynyń jergilikti atqarýshy organy 2019 jylǵy 30 maýsymda beıbit mıtıngilerdi belgilengen oryndarda ótkizýge ruqsat berdi», - delingen resmı habarlamada.
«Prokýratýra týraly» Zańnyń 32-babyna sáıkes quqyq buzýshylyqtardyń aldyn alý, qoǵamdyq qaýipsizdikti qamtamasyz etý jáne azamattardyń quqyǵyn qorǵaý maqsatynda tómendegi tártipti túsindirdi.
Konstıtýtsııanyń 34-babyna saı árkim Qazaqstan Respýblıkasynyń Negizgi zańy men zańnamasyn saqtaýǵa, basqa adamdardyń quqyqtaryn, bostandyqtaryn, abyroıy men qadir-qasıetin qurmetteýge mindetti.
Zańnyń 5-babynyń talaptaryna sáıkes uıymdastyrýshy atalǵan mıtınginiń jáne olarǵa qatysýshylardyń sóz sóıleýi ótinishte kórsetilgen maqsatqa sáıkes, belgilengen merzimde jáne kelisilgen jerde ótkizýi qajet.
Bul rette uıymdastyrýshylar men qatysýshylar qoǵamdyq tártipti saqtaýǵa mindetti, sondaı-aq olarǵa:
- kóliktiń jáne jaıaý júrginshilerdiń qozǵalysyna bóget jasaýǵa;
- ınfraqurylym nysandarynyń úzdiksiz jumys isteýine kedergi keltirýge;
- jergilikti atqarýshy organdardyń ruqsatynsyz kıiz úıler, shatyrlar, ózge de ýaqytsha qurylystar turǵyzýǵa;
- jasyl jelekterge, shaǵyn sáýlet nysandaryna zalal keltirýge;
- ózimen birge sýyq, atys jáne ózge de qarýdy, sondaı-aq adamdardyń ómiri men densaýlyǵyna qarsy, azamattarǵa jáne zańdy tulǵalardyń menshigine materıaldyq zalal keltirý úshin paıdalanylýy múmkin arnaıy jasalǵan nemese beıimdelgen zattardy alyp júrýge;
- is-sharany ótkizýde qoǵamdyq tártipti qamtamasyz etetin memlekettik organ ókilderiniń qyzmetine kez kelgen nysanda aralasýǵa tyıym salynady.
Zańnyń 7-babyna sáıkes, buqaralyq is-sharalardy temir jol, sý jáne áýe kóliginiń obektilerinde, sondaı-aq memlekettiń qorǵanys qabiletin, qaýipsizdigin jáne halyqtyń tirshiligin qamtamasyz etetin uıymdardyń janynda, densaýlyq saqtaý men bilim berý mekemeleriniń janynda ótkizýge jol berilmeıdi.
Eger mıtıng ótkizýge ótinish berilmese, oǵan tyıym salý týraly sheshim shyǵarylsa, olardy ótkizý tártibi buzylsa, sondaı-aq azamattardyń ómiri men densaýlyǵyna qaýip tónip, qoǵamdyq tártip buzylsa Beıbit jınalystar týraly Zańnyń 8-baby boıynsha jergilikti atqarýshy organ ókiliniń talabymen toqtatylýy tıis.
Atalǵan zańdy talaptardy sherýshiler oryndaýdan bas tartsa, ishki ister organdary olardy toqtatý boıynsha shara qabyldaıdy.
Keltirilgen zańnyń normalaryn buzǵany úshin zańnamaǵa sáıkes jaýapkershilik (Ákimshilik quqyq buzýshylyq týraly kodeksiniń 488-baby nemese aıtarlyqtaı zalal keltirgen jaǵdaıda Qylmystyq kodekstiń 400-baby boıynsha) kózdelgen.
«Nur-Sultan qalasynyń prokýratýrasy elordanyń turǵyndary men qonaqtaryn atalǵan beıbit mıtıngterge qatysý kezinde Konstıtýtsııa men Zań normalarynyń talaptaryn múltiksiz saqtaýǵa, arandatýshylyqqqqaaa ermeýge jáne quqyqbuzýshylyqtar jasamaýǵa shaqyrady», - deıdi qalalyq prokýratýra.