Prokýratýra Batys Qazaqstanda kıikterdiń qyrylýyna qatysty qosymsha tekserý -saraptaý jumystaryn belgiledi
ASTANA. Maýsymnyń 24-i. QazAqparat /Aıdar Ospanalıev/ - Batys Qazaqstan oblysynda kıikterdiń jappaı qyrylýy jaǵdaıy áli tekserilýde. Kıikterdiń ólýiniń basty sebebi burynǵysynsha juqpaly pasterellez aýrýy bolyp otyr.
Bul týraly búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov málim etti.
Onyń sózine qaraǵanda, kıikterdiń qyrylýyna sebep bolyp otyrǵan faktilerdiń naqtylyǵan anyqtaý maqsatynda taǵy da birqatar saraptaý sharalary belgilendi. Ázirge onyń qorytyndylary belgisiz. Sondaı-aq ázirge jer qyrtysy men ósimdikterge júrgizilgen toksıkologııalyq taldaý jumystary da jalǵasýda. «Prokýratýra taǵy qosymsha mal sharýashylyǵy men ósimidik sharýashylyǵy salasyndaǵy karantındik sharalardyń qanshalyqty zańdy júrgizilgendigin tekserýde. Buǵan qosa prokýratýra tergeý organdaryna kıikterdiń ólimi oryn alardyń aldynda aımaqta bolǵan kúmándi tumannyń sebep-saldaryn anyqtaýdy tapsyrdy. Sondaı-aq qazir osy aımaqqa jaqyn áskerı polıgonda qandaı synaq sharalary júrgizilgendigi anyqtalýda», dedi resmı ókil.
