Prokýratýra balalar ortalyǵy tárbıelenýshisine 1,1 mln teńge alıment óndirip berdi
TARAZ. KAZINFORM – Tekserý nátıjesinde jeke sot oryndaýshysy Balalar ortalyǵynyń burynǵy zańgeriniń jazbasha ótinishiniń negizinde atqarý qujatyn oryndamaı qaıtarǵany anyqtaldy.
Jambyl oblysy prokýratýrasy balalar ortalyǵynyń tárbıelenýshisine alıment óndirý boıynsha konstıtýtsııalyq quqyqtaryn qalpyna keltirdi.
2015 jyldan bastap I. Kerımbaeva «№ 6 arnaıy áleýmettik qyzmetter kórsetý balalar ortalyǵy» KMM paıdasyna kámeletke tolmaǵan qyzynyń asyraýyna 1,1 mln teńge mólsherinde alıment tóleýge mindetti bolǵan.
Tekserý nátıjesinde 2025 jylǵy 27 naýryzda jeke sot oryndaýshysy Balalar ortalyǵynyń burynǵy zańgeriniń jazbasha ótinishiniń negizinde atqarý qujatyn oryndamaı qaıtarǵany anyqtaldy.
Nátıjesinde sot sheshimi oryndalmaı, Balalar ortalyǵynyń tárbıelenýshisiniń konstıtýtsııalyq quqyqtary buzylǵan.
Prokýratýra aktisi boıynsha alıment óndirý jónindegi atqarýshylyq is júrgizý qaıta qozǵalyp, kináli tulǵalar tártiptik jaýaptylyqqa tartyldy.
Aıta ketelik SQO-da bıyl alıment tóleýden jaltarǵan 10 boryshker qylmystyq jaýapqa tartyldy.