Prokýratýra avtobýs órtinen aman qalǵan júrgizýshini eki aı qamaýǵa alýdy surady
AQTÓBE. QazAqparat - Aqtóbede órtengen avtobýs júrgizýshisi Nurjan Qyrǵyzbaev búgin sot zalyna jetkizildi. Prokýratýra kúdiktini 2 aıǵa qamaýda ustaý bultartpaý sharasyn sanktsııalaýdy surady, dep habarlaıdy QazAqparat tilshisi.
Aqtóbede órtengen avtobýs júrgizýshileri sot zalyna jetkizildi. Sotqa aldymen júrgizýshi Nurjan Qyrǵyzbaev ákelindi. Prokýratýra júrgizýshini 2 aı qamaýda ustaý bultartpaý sharasyn sanktsııalaýdy surady. Al Qyrǵyzbaevtyń qorǵaýshysy kepilmen bosatý usynysyn aıtty. Sot otyrysyna Maqsat Pernebekovtyń apasy Nurshat Pernebekova da keldi.
«Anamyzdy, bala-shaǵasyn asyraımyn dep osy jaǵdaıǵa tap boldy. Men inimdi kináli dep eseptemeımin. Bári de kináli emes»,- dedi Nurshat Pernebekova.
Aıta keteıik, bir apta oblystyq jedel járdem aýrýhanasynda em qabyldaǵan úsh júrgizýshe ýaqytsha tergeý ızolıatoryna qamaldy.
Olar Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» baby boıynsha sot aldynda jaýap beredi.
