Prokýratýra aýyl muǵalimderiniń 68 mln. teńge áleýmettik kómek alýyna yqpal etti

QYZYLORDA. QazAqparat-Aýyldyq mektepterde bir jyldan astam jumys istegen múǵalimder ózderiniń quqyqtaryn bilmegendikten, kóterme járdemaqyny, sondaı-aq úı salýǵa nemese ony satyp alýǵa beriletin memlekettik áleýmettik kómekti ala almaǵan. Bul týraly QazAqparat tilshisi oblystyq prokýratýraǵa silteme jasap habarlady.

Osy oraıda, ústimizdegi jyldyń naýryz aıynda prokýratýranyń bastamasymen barlyq aýyl mektepteriniń muǵalimderimen kezdesý ótkizilip, olardyń quqyqtary jáne tıisti kómek alý úshin qandaı qujattar qajettigi týraly túsindirildi.

Qyzylorda oblysynyń prokýrory M.Dosmaǵanbetov, kezdesý nátıjesimen ýákiletti organǵa 56 muǵalim ózderiniń usynymdaryn bergenin atap ótti.

Qalalyq ákimdiktiń 17.04.2017j. qaýlysymen 31 muǵalimge bıýdjetten barlyǵy 67,8 mln. teńge kóleminde áleýmettik kómek bólindi.