Prokýratýra Astanada ata-ana qamqorlyǵynsyz qalǵan balalardy jumyspen jáne turǵyn úımen qamtýǵa baılanysty tekserýler júrgizdi

«Tekserý qorytyndysy osy sanattaǵy azamattardy jumyspen qamtýda memlekettik ýákiletti organdar men kásibı bilim beretin mekemeler arasynda ózara tıimdi is-qımyldyń bolmaýyna baılanysty zań buzýshylyqtarǵa jol beriletinin kórsetip otyr. Máselen, sońǵy 2 oqý jylynda joǵary jáne orta-arnaıy oqý oryndaryna mamandyq alý úshin ınternattyq uıymdardyń 146 túlegi túsken, onyń 28-i Eýrazııa ulttyq ýnıversıteti men Agrarlyq ýnıversıtet tárizdi joǵary oqý oryndaryna beriletin qala ákiminiń granttaryna ıe bolǵan. Jasóspirimderdiń basym kópshiligi, dálirek aıtqanda 118-i jalpy bilim berý mektepterin aıaqtaǵan soń orta-arnaıy oqý oryndaryna túsken. Olardyń ishinen ótken jyly 31-i oqý oryndaryn aıaqtasa, sonyń jartysynan astamy jumystaryn alǵan mamandyqtary boıynsha atqarmaıtyndyǵy nemese múldem jumys istemeıtindigi belgili bolyp otyr», - delingen QR Bas prokýratýrasy baspasóz qyzmetiniń taratqan aqparynda.

Mamandardyń aıtýynsha, qalyptasqan jaǵdaıdyń negizgi sebebi - halyqtyń áleýmettik-qorǵalatyn salasyna tıisti tulǵalaryna qatysty jumyspen qamtý týraly zańnamamen kózdelgen jumys oryndaryn kvotalaýdyń jáne memlekettik organdar arasyndaǵy tıisti ózara is-qımyldyń bolmaýy bolyp tabylady. Internattyq uıym tárbıelenýshileriniń 1-shi kýrstan bastap oqýdan bas tartý jaǵdaılary da óz ornyn tabýda, bilim berý mekemeleriniń ákimshilikterine atalǵan tulǵalardy jumyspen qamtý mindetteri júktelmegendikten, olardy jumysqa ornalastyrý boıynsha eshqandaı shara qoldanylmaýda. Mysaly, balalar úıiniń 8 tárbıelenýshisiniń 4-i 2010 jyly L. Gýmılev atyndaǵy Eýrazııa ulttyq ýnıversıtetindegi oqýyn úzgen, al balalar úıiniń ákimshiligi oqý ornyn tastap ketý jónindegi málimettermen qamtylmaǵan.

«Oqý oryndaryn tastap ketýdiń negizgi sebepteriniń biri - mamandyqtaryn durys tańdamaý, ol óz kezeginde sabaqqa qatyspaı, akademııalyq bereshektiń týyndaýyna ákep soǵady. Joǵaryda baıandalǵan máselelerge baılanysty, ústimizdegi jyldyń 16 maýsymynda qala prokýratýrasynyń bastamasymen Astana qalasy ákiminiń orynbasary A. Balaevanyń jetekshiligimen vedomstvoaralyq jıyn uıymdastyrylǵan bolatyn. Atalǵan jıynda ınternattyq uıymdar tárbıelenýshilerin jumyspen qamtýǵa baǵyttalǵan birlesken is-sharalar josparyn ázirleý jáne múddeli vedomstvo ókilderinen arnaıy shtab qurý týraly sheshim qabyldandy. Shtabtyń otyrystarynda osy saladaǵy problemalardy talqylap, árbir tárbılenýshi boıynsha tıimdi sheshim qabyldanady dep josparlanýda. Bul sharalar budan bylaı túlekterdiń quqyǵy men zańdy múddeleriniń buzylýyna jol bermeýge sebepshi bolýy tıis», - delingen prokýratýranyń baspasóz qyzmeti taratqan aqparatta.