Prokýratýra aralasqannan keıin pedagogterge 7,2 mln teńge tólendi
ASTANA. KAZINFORM — Atyraý oblysynyń prokýratýrasy bilim berý salasyndaǵy zeınetkerlerdiń eńbek quqyqtarynyń buzylǵanyn anyqtady. Qadaǵalaý organy aralasqannan keıin Isataı aýdanyndaǵy pedagogter men mektepke deıingi uıymdardyń júzge jýyq qyzmetkerine zeınetkerlikke shyǵýyna baılanysty tólenbegen 7,2 mln teńgeden astam ótemaqy tolyq kólemde berildi.
Qadaǵalaý organymen jergilikti bilim berý uıymdarynyń basshylyqtary tarapynan zańdy múddeleri eskerilmegen bilim berý salasyndaǵy zeınetkerlerdiń eńbek quqyqtaryn qorǵaý sharalary qabyldandy.
Nátıjesinde, Isataı aýdanyndaǵy bilim berý uıymdarynyń pedagogteri men mektepke deıingi uıymdardyń júzge jýyq qyzmetkerine zeınetkerlikke shyǵýyna baılanysty zańnamada kózdelgen áleýmettik tólemder tólendi.
— Zeınetkerlikke shyǵýyna baılanysty eńbek sharttary toqtatylǵan bıýdjet uıymdarynyń qyzmetkerlerine jalpy somasy 7,2 mln teńgeden asatyn zańnamada kózdelgen mindetti ótemaqy tólemderi tólenbegen, — delingen habarlamada.
Prokýrorlyq qadaǵalaý aktisi nátıjesinde atalǵan zeınetkerlerge tıesili aqshalaı qarajattar tolyq kólemde aýdarylyp, olardyń buzylǵan quqyqtary qalpyna keltirildi. Eńbekaqy tóleý salasyndaǵy zańnama talaptaryn buzǵany úshin 7 tulǵa QR ÁQBtK-tiń 87-baby 1-bóligine sáıkes ákimshilik jaýaptylyqqa tartyldy.
Buǵan deıin onlaın kazıno uıymdastyrǵan azamattan memleketke 9,9 mln teńge óndirildi.
