Prokýratýra «Almaty Sý» mekemesiniń ekologııalyq zańnama talaptaryn buzǵanyn anyqtady

ALMATY. KAZINFORM - Іle aýdanynyń prokýratýrasy «Almaty Sý» MKK qyzmetinde ekologııalyq zańnama talaptarynyń buzylǵanyn anyqtady.

Almaty oblysyq prokýratýrasy baspasóz qyzmetiniń habarlaýynsha, Іle aýdany turǵyndaryn alańdatatyn ózekti máselelerdiń biri – Sorbulaq sý aıdynyna baǵyttalǵan qalalyq káriz júıelerinen taraıtyn turaqty jaǵymsyz ıis.

Atalǵan káriz jelileri «Almaty Sý» memlekettik kommýnaldyq kásipornynyń balansynda tur.

Ekologııa salasynyń mamandarymen birlesip júrgizilgen tekserý barysynda ekologııalyq zańnama talaptarynyń buzylǵany anyqtaldy.

Atap aıtqanda, alynǵan 48 synamanyń 21-inde metan, kúkirtsýtek jáne merkaptan zattarynyń shekti jol beriletin kontsentratsııalarynyń asyp ketýi tirkelgen.

Sonymen qatar, jaqyn mańdaǵy aýyldyq okrýgterdiń 400-den astam turǵyny tynys alý organdarynyń ártúrli aýrýlary boıynsha medıtsınalyq esepte turǵany belgili boldy. Іle aýdany prokýratýrasynyń qadaǵalaý aktisi negizinde Ekologııa departamenti «Almaty Sý» MKK-ny ákimshilik jaýapqa tartyp, 14 mln teńge kóleminde aıyppul saldy.

Budan bólek, kásiporynǵa ekologııalyq zańbuzýshylyqtarǵa ákep soqqan sebepterdi joıý týraly nusqama berildi.

Qazirgi ýaqytta anyqtalǵan buzýshylyqtardy joıý boıynsha tıisti sharalar qabyldanyp jatyr.

Prokýratýra berilgen nusqamalardyń oryndalýyna jáne ekologııalyq talaptardyń saqtalýyna baqylaýdy jalǵastyrady.

Osyǵan deıin Bas kólik prokýratýrasynyń Air Astana men Fly Arystan qyzmetin tekserýdi talap etkeni týraly jazdyq.