Prokýratýra aktisimen elorda muǵalimderine 127 mln teńge tólendi

NUR-SULTAN. QazAqparat - Prokýratýra aktisi boıynsha elorda muǵalimderine 127 mln teńge tólendi, dep habarlaıdy QazAqparat tilshisi.

«Nur-Sultan qalasy prokýratýrasynyń qadaǵalaý aktisi boıynsha mektepte qyzmet etip júrgen 7 myńǵa jýyq muǵalimge 127 mln teńge tólendi. Taldaý jumystary aıasynda sońǵy eki jylda elordadaǵy muǵalimder erekshe bilim berý qajettigi bar balalarmen jumysy úshin eńbekaqydan 40 paıyz kóleminde qosymsha aqyny almaǵany anyqtaldy», - delingen qalalyq prokýratýra málimetinde.

Osy oraıda prokýratýra qabyldaǵan sharalar nátıjesinde, atalǵan másele boıynsha ońtaıly sheshim jasaldy.