Prokýratýra ákesin uryp óltirgen shardaralyqtyń úkimine narazylyq bildirdi

TÚRKІSTAN. KAZINFORM – Shardara aýdany Qosseıit aýylynda ákesin uryp-soǵyp, azaptaǵan 41 jastaǵy Almas Sadaqbaev 5 jylǵa sottalǵan bolatyn. 

Sot ony «Qınaý» jáne «Densaýlyqqa qasaqana ortasha aýyrlyqtaǵy zııan keltirý» baptarymen kináli dep tanyǵan. Túrkistan oblystyq prokýratýrasynyń habarlaýynsha, sottalǵan azamatqa qatysty shyǵarylǵan úkimge apellıatsııalyq narazylyq joldanǵan.

– Túrkistan oblysynda Jetisaı aýdandyq sotynyń 2026 jylǵy 16 qańtardaǵy úkimimen ákesin júıeli túrde uryp-soǵyp kelgen er adam 5 jylǵa bas bostandyǵynan aıyryldy. Sot úkimimen kelispegen Shardara aýdanynyń prokýratýrasy jazany qatańdatý týraly ótinishhatpen apellıatsııalyq narazylyq keltirdi, – dep málimdedi oblys prokýratýrasynyń baspasóz qyzmeti.

Budan buryn Túrkistan oblysynda ákesin uryp, qorlyq kórsetken turǵyn qamaýǵa alynǵanyn jazǵan edik.

Keıinnen qaıtys bolǵan qarııanyń máıitine eksgýmatsııa jasalyp, saraptama taǵaıyndaldy. 

Shardaradaǵy qarııanyń ólimi boıynsha is sotqa joldandy. 

Buǵan deıin ótken sot otyrysynda prokýror sottalýshyǵa 6 jyl 2 aı jaza surady.

Týǵan ákesine qatygezdikpen adam tózgisiz qorlyq kórsetken er adamnyń 5 jylǵa sottalǵany habarlanǵan bolatyn.