Prokýratýra Abaı oblysyndaǵy 7 000 sharýa qojalyǵy men jeke tulǵalardyń quqyǵyn qorǵady

Prokýratýra Abaı oblysynyń aýyl sharýashylyǵy janýarlary ıeleriniń quqyǵyn qorǵady, dep habarlaıdy Kazinform. 

Abaı oblysy prokýratýrasynyń málimetinshe, qoldanystaǵy zańnamanyń talaptaryna sáıkes aýyl sharýashylyǵy janýarlaryn sýarýǵa sanıtarlyq qorǵaý aımaǵynan tys sý obektilerinde jáne sý obektileriniń lastanýy men bitelýine jol bermeıtin sýarý alańdary men basqa da qurylǵylar bolǵan kezde ruqsat etiledi.

Alaıda Abaı oblystyq máslıhaty óz sheshimimen joǵaryda kórsetilgen erekshelikterdi eskermeı, oblystyń barlyq sý aıdyndarynda sýarýǵa tyıym salǵan janýarlardy ustaý erejelerin bekitken.

Bul sheshimniń ózi zańsyz ǵana emes, ony oryndaý da múmkin bolmady. Sebebi ol mal ósirýshilerdi sý aıdyndaryna tabıǵı qoljetimdilikten aıyrady jáne mal sýarýdy qıyndatady.

Oblys prokýratýrasynyń narazylyǵy boıynsha Erejeniń talaptary qoldanystaǵy zańnamaǵa sáıkes keltirildi.

Osylaısha, 7 000 sharýa qojalyqtarynyń jáne jeke tulǵalardyń sheksiz tobynyń quqyǵy men zańdy múddeleri qalpyna keltirildi.