Prokýratýra A.Gıtlerdiń sýretin basqan baspadan zańǵa qaıshy áreket tapqan joq - Reseı
ASTANA. QazAqparat - Smolensk qalasy Promyshlennyı aýdany prokýratýrasy mektep oqýshylarynyń kúndeligine Adolf Gıtlerdiń sýretin basqan «Smolensk polıgrafııa kombınatynyń» áreketinen zańǵa qaıshylyq tapqan joq, dep habarlady VVS.
Ótken aptada Ekaterınbýrg BAQ-tary álemdegi tanymal adamdar qatarynda A.Gıtlerdiń sýreti mektep oqýshylarynyń kúndeligine basylǵany ata-analardyń ashýyn týǵyzdy dep, aqparat taratqan bolatyn. Prokýratýra baspasóz qyzmetiniń habarlaýynsha, osyǵan qatysty RF «Ekstremıstik áreketke qarsy» federaldy zań talaptaryna qaıshy kelmegendigi tekserildi. Al, baspanyń PR qyzmeti Gıtler onda álem tarıhyndaǵy jaǵymsyz keıipker retinde tanystyrylǵanyn málimdegen bolatyn.
Prokýratýranyń qorytyndysy boıynsha, kúndelikte pıdjak kıgen adam beınelengen. Sýrette fashıstik atrıbýtıkany nasıhattaıtyndaı eshqandaı belgiler joq.
